今年五月尾去了台中一轉，台中本身沒有太多的景點，所以特意找尋好味食肆親身品嚐。由於特別喜好日本食物，所以選擇了近期某雜誌介紹既一間。 鵝房宮位於台中北屯區新一點利黃昏市場，公車由台中火車站可坐１００號／５５號，下車再走大概８分鐘便到達。北屯區附近的景點不多以及比較散，所以都特意安排才到此一遊，但總算不太遠。 之前做research 知道呢間午市好多人，所以特意選擇下午四點過來避開人潮。呢段時間唔多人，唔使等，但都有七成入座率。 其實五天行程，我來了鵝房宮有２次。因為佢既海膽太好食想encore, 點知第二天再去既時候已售罄。職員告知鋪頭星期三及星期六入貨一轉，所以個幾日最新鮮。就係因為咁我再去個日係星期五，好多食物都售罄，想食新鮮食物既朋友記住星期三或星期六先去。呢間鋪頭無特別餐單，可以單點或叫餐，並無固定餐牌，想食咩隨便叫即可，餐方面有價錢之分（由台幣600-1000)，決定好價錢之後，師傅會決定餐中既食物，若有特別食物想包入餐中，可以先告知職員。 第一天我叫餐加單點，特別推介馬糞海膽，炙燒比目魚，燒大蝦，好新鮮既海膽，比目魚油油香香，燒大蝦咸咸帶鮮味。第二日叫海鮮丼（快樂丼），本來呢個丼有海膽，但由於售罄，所以用其它材料代替。呢個丼有好多新鮮刺身，仲有鮑魚添！如果餐同丼二選一，我會選擇丼，除非你想試唔同款式，而我太愛刺身啦。以下附上價錢單作參考。 ＰＳ：湯係可以免費添，二人同行可以一個湯share 都ok! 官方facebook: https://www.facebook.com/pages/%E9%B5%9D%E6%88%BF%E5%AE%AE/168917996540692?fref=ts 點擊圖片放大 +11
