秋季好啱去郊外行下，以前去欣澳都係迪士尼轉車站，無諗到欣澳站一行出來就有超靚🌊海景。 若平日過嚟人好少，寧靜舒服，超適合一家大細📷嚟打卡，同埋啱我呢d懶人短線郊遊，年紀細嘅小朋友👶都可以行，海濱呢段都係平路，可以推bb車，但入鹿徑村果段路就唔適合。 起點係欣澳海堤路，我哋搭🚇港鐵到左欣澳站找，於A出口直行，穿過巴士站就到左海濱長廊，跟住一直慢慢行，長廊全平路好好行，不過要小心有時來往嘅🚗車。 路線超簡單，就一直沿住海邊長廊向前行，左邊係港港鐵，右邊係海。海邊鐵路，感覺好似去左日本。🇯🇵 因Charlton超鐘意車，每次望到港鐵來過，聽著港鐵聲音都好興奮。 ☀️注意海堤路冇樹蔭遮擋，中午去嘅話，記得帶帽做足防曬。 慢慢行30分鐘左右，行到車路盡頭，向右轉，就睇到鹿頸村🪧路牌，跟住行入綠色欄桿郊野徑，再行大約15分鐘就到左鹿頸村。 若無帶水🧋食物，村內都有個婆婆有賣水 汽水 仲有🍜餐蛋面，係海邊小村食碗餐蛋面都係唔錯嘅選擇，係鹿頸村望向海對面嘅🚞港鐵，頭頂飛過✈️飛機，小朋友會好鍾意。 再繼續行，經過燈塔後有樓梯行去石灘，大家要小心行，因岸上的🗻石頭有d濕滑，行過呢段石頭路，就到了長索連島沙洲，好特別嘅風景，打卡熱門點。好鍾意樹上掛左個秋千，面向住🌊大海，大家可以係秋千位盡情打卡。 長索島打卡後，就可以原路返回欣澳站啦，時間大概1-2小時。 交通: 欣澳港鐵站A出口 或者自己揸車過去 （見好多人揸車過去，帶⛺️帳篷天幕，輕便桌椅，就可以野餐）
