2月15日(星期二)第一次摘士多啤梨，諗住都好簡單啫，原來摘🍓士多啤梨都有學問㗎😇🤪啲士多啤梨好小氣㗎🍓好容易就會爛，所以摘果陣要慢慢摘之余，籃亦唔可以裝太滿太重，如果唔係底下果啲會壓爛的，🍓士多啤梨唔好揀太熟的摘，如果住附近梗係無問題啦，好似我哋成個鐘車程，返到屋企已經變哂樣😅。🍓職員話可以摘到4月尾，當然會無咁大粒了，之後會種其它野🥰🍓農場入口有空地，可以開車入去🍓自備水(無細心留意，但印象中係無飲品賣的😅)🍓09：00~18:00年終無休😅🚘前往交通👉粉嶺小巴總站乘52K或79K巴士 ➡️ 雲泉仙館站落車，落車後前行約200米，路口右轉入(沒有路名的) 👇路口亦有橫額指示 👇路口旁邊的打鼓嶺區鄉事委員會，咁鬼死靚😅 👇走入後前行少少，有個大空地，右邊是雲泉仙館攤檔 👇未入農場已經掃貨🤣🙈 👇雲泉仙館攤檔左邊轉入 👇左邊走是老徐農場($65磅士多啤梨)，右邊阿方農場($80磅士多啤梨)，其實無特別揀邊間農場，只係網上似乎多人介紹老徐😅 👇好簡陋，基本上只得一位職員招呼客人，入面有廁所，都算OK 👇入農場係唔駛門票嘅😅重點係摘野先收錢，賣時令瓜菜等等🥒🍅點擊圖片放大 👇入到去職員就會叫你攞個籃同較剪😅一個籃裝滿都有8,9磅㗎 👇就係咁....見到🍓🍓🍓就好興奮開心衝埋去，搵呀搵....剪呀剪🤣失控🙈🥰唔好揀太熟果啲，真係好快爛，放入藍都要輕放，唔好搖個籃，唔好摘太多，每籃裝半籃或3份2咁上下就夠了。 👇老徐啲士多啤梨田唔似錦田咁超大塊田一眼睇哂，老徐周圍種😅面積細好多，呢邊有果邊又有，所以最好行一圈睇下邊塊士多啤梨田最靚最大粒先摘👍 👇🍓🍓乜形狀都有 👇埋頭苦幹💪點擊圖片放大 +4 👇本來想割埋菜，但似乎無從入手，決定買現成割好的😅 👇有啲會插住"未成熟"，咁就唔好搞佢啦，我又覺得呢度幾自由喎，玩得好舒服，除咗有牌寫住唔准入去外，基本上所以田都可以落去的👍點擊圖片放大 +4 👇諗住走果陣，發現呢邊又有塊🍓士多啤梨田，好大粒好靚，當時手上只有膠袋，諗住摘少少就走，但2位阿太停不了手，到收手去秤果陣...出事😱😱😱爛哂出哂水😭😭😭所以唔懶得，一定要用籃裝。 👇我醒呀，摘咗幾粒就收手，其實係好多野咬我，所以無心情摘，唔係蚊嚟㗎，黑色的，咬完會有血出🙄😖🥴 👇秤果陣連籃一齊秤，因為倒嚟倒去會爛，再減去籃重量錢$20，職員有提議我哋連籃一齊帶走，籃免費的，好睬無聽佢講，如果唔係一定爛哂，一定要裝盒，唔好自己帶環保盒，因為無疏氣孔。👇4磅幾/$290，分成5細盒，送禮都ok喎🥰 👇膠盒有3個size，唔駛再畀錢了。 👇好快有倒汗水，一定要用農場的疏氣膠盒。
