《尖沙咀食乜好》 ⤑ 精緻藝術甜品Atum餐廳最近開咗姊妹店，位於尖沙咀日式洋食屋佔地3000呎地方超大，空間感絕對足夠！點擊圖片放大 門口位四處擺放綠色植物🪴偏向日式木系營造舒適無印風格🪵。 入座限時120分鐘，當中打卡位必定係日式榻榻米，影相一流想坐就記得要訂定位喇📸️不過始終座位有限都要視乎返當日安排🤎。 .. 餐牌結合西日式元素，女生們最愛野餐小木木盒下午茶☕️同自己動手烤麵包套餐🥯都喺人氣之選，相當受歡迎🗯 ⇛ ▫️月見雞肉棒串 $78 雞棒外層炸得脆香，加上蛋黃汁內裡肉質保持濕潤，仲咬到有雞軟骨喺入面口感超好😛 .. ▫️松露芝士薯條·七味蛋黃醬 $68 份量相當大盤兩個人都食唔晒😂，薯條散發勁濃郁黑松露味道，面頭再灑上芝士粉同松露，味道更提升！ 沾上蛋黃醬會更滋味🥳。 .. ▫️北海道帶子·明太子奶油燉飯 $178 risotto都有幾款口味，鐘意明太子鹹香就必定要叫呢款，面頭仲有三文魚籽😍 飯粒保持濕潤唔會煮得爛蓉蓉，加入奶油關係入口仲相當creamy 帶子夠新鮮煎得剛剛好都幾大粒💯！ .. ▫️炸窩夫烤餅·鮮果·楓糖鮮奶油 $118 呢個甜品真係嘩一聲❗️肥仔本身冇留意窩夫喺炸嘅，口感名副其實做到外脆內軟，超級正🙊喺有俾佢驚喜到！ 加上楓糖漿同幼滑奶油忌廉一齊食，幸福感倍增💖必叫首選！ .. ▫️海鹽焦糖咖啡 $48 ▫️抹茶拿鐵 $52 飲品都喺以咖啡或茶類為主，本身想叫板粟/甜薯Latte可惜當日未有😭，咖啡入口順滑濃厚加上海鹽焦糖甜到恰到好處，抹茶拿鐵味道亦唔錯🤎 〰️〰️〰️〰️〰️〰️〰️〰️〰️〰️〰️〰️〰️ ========================= MUTA Restaurant (尖沙咀) 📍尖沙咀彌敦道132號美麗華廣場1期地庫B131號舖 ☎️3795 2332 ⏰09:00～18:00 =========================
