【搵食街】旺角新開Omakase「初鮨」｜吞拿魚刁鑽部位 拖羅三吃｜海膽鵝肝脆脆｜激抵午市最平$280食Omakase｜晚市$980起 旺角呢間新開無耐嘅廚師發辦「初鮨」，午市最平$280起，有齊前菜、茶碗蒸、手握壽司8貫、手卷、湯同甜品，價錢吸引，人氣非常高企。晚市亦有分三個價位， 分別係$980 - 豐，$1280 - 滿及$1680 - 醉。 就算最初級嘅「豐」 ，食材質素及種類亦非常豐富！ 特選刺身4種 分別有活北寄貝、間八、中拖羅、鰹魚，活北寄貝鮮甜爽身，又夠大隻；中拖羅更是油脂豐富，一入口滿口油脂慢慢化開。 餐廳亦會即開生蠔，選用現時日本時令嘅生蠔。 岩手縣赤崎蠔 每隻蠔都好巨型 ，蠔味濃郁之餘入口軟滑。 一品料理－天婦羅甘鯛 天婦羅麵衣質地輕盈，沒有任何油膩感，炸出薄脆口感之餘，保持到甘鯛內裡肉滑多汁，好考驗到師傅控制火侯同時間嘅功力。 壽司環節 甘海老－肉質飽滿鮮甜，蝦身呈紅色，係新鮮嘅象徵，表面放上輕輕燒香過嘅蝦膏。 鱈魚壽司－魚肉油分豐富但唔膩口，魚身嫩滑。 大拖羅－即係全條吞拿魚最肥美嘅魚腩位，油分豐富，入口即溶。 鮫蝶魚－油香味爆發出，肉質好腍身。 吞拿魚面頰－因為帶有筋位，用火槍輕輕燒一燒表面會最適合 吞拿魚腦天－即係吞拿魚頭頂嘅肉，非常罕有，特點係筋少脂肪多，吞拿魚味極濃。 海膽鵝肝脆脆有驚喜！脆片上放上海膽，中間係一大塊鵝肝慕絲，味道濃郁，口感好似雪糕，冰凍軟滑。 廚師發辦最後還有大蜆清湯、黑松露茶碗蒸同藍莓芝士雪糕，十分豐盛。 餐廳的菜單設定，感覺是較迎合大眾港人口味，例如著重吞拿魚、海膽，價錢吸引，如想試一試，不妨先預訂午市。 . 初鮨 地址：旺角彌敦道575號Ladder Dundas21樓 電話：36151100 --------------------------------------------------- 👇想每日緊貼我們最新的資訊，記得追蹤搵食街各大社交平台👇 ✅ Follow Instagram：@foodguide_hk https://bit.ly/3qvtVAA ✅ 讚好 Facebook：@搵食街 Food Guide HK https://bit.ly/3ei3RXa ✅ 訂閱Youtube Channel：@搵食街 Food Guide HK https://bit.ly/3bo64OB ✅ 我地開咗Mewe喇：@搵食街 Food Guide HK https://bit.ly/3sJPyPE ✅ 廣告/報料/查詢：foodguidehk2020@gmail.com ✅ 或直接inbox我們 ---------------------------------------------------
