我對於波希米亞風嘅裝潢真係零抗拒力～ 之前Bookmark已久～終於得閒去蘭桂坊嘅樓上Cafe「角落Corner」啦！ 點擊圖片放大 +2 店子位置唔大，但每個角落都非常精緻，好似乾花牆、韆鞦、霓虹燈、藤編屏風及掛飾等等，滿布女生喜愛嘅元素！（又可以瘋狂打卡...😝😝😝） 食物方面，主要都係西餐輕食為主，必定要試招牌嘅番茄乾醬烤大蝦意粉、All Day Breakfast！另外，Corner仲有提供埋素食或生酮餐單，迎合唔同人嘅飲食需要！整體比我嘅感覺都好好！ ✦ 番茄乾醬烤大蝦意粉 HK$138 第一下見到呢兜意粉，坦白講感覺好乾咁，碟底係一點醬汁都無。但食上口，發覺完全係第二種質感，個醬汁比想像中柔潤，唔會有任何「鯨」汁或斷粉嘅情況，蕃茄醬及香草又炒得夠惹味，隻味有啲肉醬意粉，但係無牛肉碎嘅情況下都炒得咁香，確實係做得唔錯！ 至於大蝦，共有2隻，都幾多肉及多膏，蝦肉爽口彈牙，幾新鮮。 ✦ All Day Breakfast HK$138 Corner嘅ADB，基本設置組合，味道合格以上，唔係話好特別。整個ADB，比較令我難忘嘅，反正係焗豆！呢度嘅焗豆由多種豆混合而成，除咗基本嘅黃豆，仲有腰豆、夏威夷果仁及藜麥等，營養價值高啲，口感又好豐富！幾正！ ✦ Souffle Cheese Cake HK$48 呢個芝士蛋糕嘅質地真係無得輸，好鬆軟但又好濃芝士香！ ✦ Strawberry Mont Blanc HK$48 呢款蛋糕就好棉好遠，有啲似水果班戟，不過對我嚟講甜咗啲。 ✦ Keto Coffee HK$45 咖啡加咗椰子油及牛油製作，好rich，好香，典型嘅生酮咖啡，不過第一下有啲唔係好習慣，口感真係幾膩。 ✦ 士多啤梨荔枝綠茶 HK$48 呢個水果茶正常發揮，因為有士多啤梨嘅關係，帶少少微酸，用嚟送蛋糕就perfect喇！ ★－:+:－:+:－:+:－:+:－★ 🎡味道：3.5 🎠環境：4 🎪服務：4 🕌CP值：3.5 （*5為最高分） ★－:+:－:+:－:+:－:+:－★ ◌ 角落 ◌ 中環德己立街23號晉逸蘭桂坊精品酒店2樓 ★－:+:－:+:－:+:－:+:－★ 🎀 記得like埋我，每日放送打卡好去處！📸 https://www.facebook.com/daydaycheckin https://www.instagram.com/daydaycheckin 💗ᴿᵉᵃᵈ ᴹᵒʳᵉ https://flowspace.hk/
