如果你仲認為韓國產有保證, 咁只能講你被made in Korea呢3個字蒙騙左 最近韓國有個節目揭露左一間人氣果汁店(標榜100%果汁)如何蒙騙大家製程黑心飲料。韓國呢個節目먹거리X파일(飲食X FILE), 專門揭示社會黑心食品。 今期被揭露gea人氣果汁店, 成立初期因售價平, 而且講明100%水果製造; 所以剛開始時, 係韓國人圈內極受歡迎, 分店一下子迅速增加, 成為人氣果汁店; 漸漸多左d唔少網絡介紹, 遊客圈都開始名聲大噪。的確1500won(約HKD10)已經有杯細果汁, 比起咖啡店, 面包舖真係平好多 平價果汁出現改變左韓國人飲咖啡gea習慣, 現大部份人都轉飲果汁, 特別係夏天。可能因為人氣高企不下, 坊間大量出現果汁店翻版……同類型小店突然間大量出現 競爭大左, 利潤分薄, 將貨就價情況出現。記得以前呢間人氣果汁店個counter位係全開放, 玻璃窗都全透明, 可以睇到入面情況。但唔知幾時開始, 就貼左好多海報, 果時已經有傳聞佢地唔係100%用生果打果汁 直至節目出街, 已經證實左係有用濃縮決液去沖, 而且更誇張係衛生情況都欠佳, 打汁機冇洗, 生果發霉…… 雖然韓國衛生意識一向都垢人話柄, 但食物衛生管理方面, 我一直都覺得係可以放心食用程度……但黑心食物愈揭愈多, 漸漸對韓國食品失信心 韓國食品受歡迎程度大家都有目共睹, 為左賺呢塊熱錢, 愈多人買, 愈要加快生產, 因為熱潮一過就冇咩錢賺。雖然唔係所有食品都係咁, 但愈黎愈多變質了。 黑心食品其實好多國家都有, 一係唔食, 一係做駝鳥(眼不見為淨) 韓國人口裡永遠講韓國產係最好, 但只係稍有d錢就會買外國入口貨, 呢d基於特強民族性愛國心 睇得出有幾乾淨!? 發霉gea橙, 將霉菌抺走可以當新鮮橙, fresh juice 很諷刺吧 甜 - 係因為糖
