最近天氣熱到我呢……完全唔想留係家, 因為唔開冷氣, 間屋就似蒸籠; 開冷氣, 電費又貴到爆 所以最近如果係屋企悶的話, 就會去行地下街 其實韓國有好多大大小小gea地下街,但就有5個比較多人氣, 相信大家都知。 佢地分別位於: 江南, 高速巴士站, 富平, 永登浦, 蠶室 我個人會推高速巴士站同富平, 江南d韓國店主比較惡同冇禮貌, 永登浦就已經變得好舊, 蠶室就太遠啦 高速巴士站地下街係咁多裡面最好行gea一個, 兩條大直通道, 先行完一邊, 再轉到另一個行, 唔駛膽心盪失路而且頭尾兩邊都有小食同果汁店; 另外附近仲有兩間百貨公司 – 新世界&NEWCORE。 新世界我唔係咁like, 因為韓國百貨公司成日將價錢markup到好高; NEWCORE就ok, 價錢合理, 咁當然牌子同新世界唔一樣。(高速巴士站 8 or 9號出口) 富平地下街係放射性式地下街, 商舖都係最多, 而且種類都多, 就會標明價錢, 不過有時行行下都唔知自己行左去邊, 有少少複雜。果度分為紅, 橙, 藍, 綠區, 跟區行就會冇咁易盪失路。 富平地下街樓上有個foodcourt(位置就係1號綫出口, uniqlo樓上), 想休息下時, 可以去叫杯果汁坐低抖抖, 價錢一d都唔貴, 另外樓上仲樂天超市。一棟建築內有齊地下街、食同超市, 最岩夏天去行。(富平站 6號出口)
