尋日終於同一個舊同事見到面la~~~ 個舊同事係我以前香港返工時識, 6年前過左去韓國留學, 韓文好厲害@@, 已經成為韓國職場人 基本上同佢一年只見得一兩次, 太難約了 難得尋日約到, 同佢漫遊新沙洞, 新沙洞係韓國另一個潮區, 但多左層文藝氣息gea感覺 果邊有好多自家創gea設計同品牌, 而且特色咖啡廳都唔少 如果話弘大係年青人gea潮點, 咁新沙洞算係職場人gea潮點 我地約左午餐去食特色拉面……漢城文庫(聽講係同韓國坊間gea拉面超唔同) 間野都唔易搵, 好彩有朋友帶路 3號線 - 新沙站8號出口, 直行, 轉入林蔭大道, (沿coffee smith對面街直行), 第4個小路口轉入, 紅磚頭建築物 漢城文庫 (한성문고)位置圖 漢城文庫門口~招牌中文字唔怕睇唔明 漢城文庫, 我覺得係比較似日式拉面, 我同朋友都點左In-Ramen, 感覺似日式义燒拉面 In-Ramen 有英文menu,可以問老闆拎 佢地另外仲有漢拉面&首爾拉面, 價錢相對坊間gea拉面比較貴8,000won-10,000won 配菜除左泡菜外, 仲有蒜頭, 如果覺得蒜味唔夠, 可以自己壓碎再加; 我地都加多左幾粒, 蒜味重, 碗湯好似香d 配菜: 泡菜 & 蒜 之後同朋友傾開, 原來弘大果間 - 博多文庫算係姊妹拉面店, 呢間我覺得貴, 所以一般都係路過而冇打算過食。今次係因為朋友, 所以食貴拉面 食飽後, 周圍行下, 見forever 21有持價, 二話不說入左去。我都幾鐘意”21”d打底小背心,唔會焗身……特價賣3,900won件(HKD28左右), 唔駛諗掃左幾件, 仲買左條皮帶……一心只諗住window shopping算, 但都係抵唔過特價gea魔力 再行左幾間價位比較高的自家設計舖頭, 我同朋友都落唔到手, 但如果鐘意有特色, 可以去行下 之後無意中發現最近係韓人圈內好有人氣gea俄羅斯甜品 – CONVERSATION 睇返地圖, 原來係”漢城文庫”附近 conversation - 箭咀位置 CONVERSATION門口 呢間價位都一樣比較高, 基本上係新沙洞價位高算正常吧!!! 臨時起意, 走入去朝聖……我完全未見識過俄羅斯風格甜品, 所以唔識評好食與否 但對我講黎講就偏甜同好Q貴 我呢d小薯仔只能負擔得起一杯美式, 都要6,000won……心痛, 平時慳埋慳埋咁就花晒出去 我朋友叫左杯sunset,加件cake 盛惠25,000won找幾百won……我應該係大鄉里, 未食過咁貴gea甜品!!! cake賣相真係好靚, 但口味呢家野就真係見仁見智 LadyM都冇佢咁貴~~~ 錢比左咁多出去, 當然要坐耐d, 期間都有不少韓國女性過來朝聖, 肯花費gea人真係不少 題外話: 新沙洞除左林蔭大道出名外, 其實仲係好出名gea整容區, 有超級無敵多外科醫院, 而且隨時可以見到同一張臉 :roll:
