3/12/17 晴 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 13 Day 5 - 深圳東門/客語/歡樂海岸 前一晚實在太夜先返酒店,加上連續四日的chur chur行程,實在疲累了.不自覺訓到好晏,趕及十二點中午check out. 沿東門大街一直行,去搵我地想食既客語客家菜店,順便當行埋東門. 客語位於東門町廣場頂樓,我本身以為係一家酒樓黎,黎到先知原來係間裝修好靚好精緻的餐館. 食得客家野,不得不叫照牌的鹽焗手撕雞,仲有家鄉煎豆腐,都係檯檯食客必叫的,亦真係好惹味好好送飯. 仲有個當餸菜咁叫的小食,風味豬手(兩隻起),都係香口,肉質爽脆,佢俾埋手套你拎住黎食,幾和味. 飲品方面Sue叫左杯芒果特飲,我就飲青檸蘆薈蜜,清清地幾refreshing. 成餐飯都係好好味,好享受,最正係呢度雖然響大陸黎講屬於中高檔食肆,但價錢依舊比香港平一大截,非常抵食. 因為響桂林跌爛左隻cheap cheap魚眼鏡,所以順便響東門買番隻新既. 響大陸買野要講價,呢隻咁大隻既魚眼鏡,由45蚊人仔,Sue一劈劈到佢20蚊,lol,最後以30蚊成交,平過響香港買好多. 繼續chur checkpoint,落去搭地鐵,去深圳灣公園站,諗住去廣受歡迎的TeamLab玩. 搭程地鐵先感受到深圳有幾大,淨係地鐵都搭左半個鐘有多. 一出站,呢度原來叫歡樂海岸,相信又係一個景區,集娛樂美食消閒一身,鄰近係東部華僑城. 我地沿住呢個人工得黎又新淨好靚的露天廣場,慢慢欣賞周圍景色,輕輕鬆鬆走去TeamLab場地. 點擊圖片放大 +58
