12/11/18 陰 台北之旅 2018 Sue & Raymond 16 - 21 October 2018 #thesweetestcoupleintaipei #5 新光三越周年慶/師大夜市/繼光香香雞 Day3 - 18 Oct (Thu) 信義區一帶有大量商場,基本上一個下午係行唔晒,例如本身想行ATT 4 FUN,同埋誠品信義店,最後都無時間. 單係新光三越,就已經有四座,雖然有兩座係高級名店唔駛行,但淨低兩座都夠我地行到腳斷. 因為一座既橫切面面積已經好長,等同一個商場,來來回回咁逛,不知不覺已行左好大段路. 其實兩邊賣既野都大同小異,化妝品專櫃更有重複,其餘都係各類貨品,地庫超市及美食廣場. 我地又係掃左堆零食,買左少少服飾,又響food court食左個梳乎厘pancake,呢間叫日日鬆餅. 海鹽榛果奶霜鬆餅,另外加個蔓越莓雪糕,整體黎講幾精緻,味道唔錯,唔會太膩,雪糕都refreshing,唔會太甜. 新光三越周年慶,周圍都係人,幾欣賞呢度個做法,就係周年慶期間,儲物櫃免費借用,唔收錢,真係幾人性化,唔似香港咁咩都收你錢. 點擊圖片放大 +47 行到攰攰地,但都要繼續行程,去下個checkpoint,師大夜市. 師大夜市比較細,一條橫街就完,亦出名早關門,如果要黎唔好太夜. 由捷運出口,沿師大商圈街道,經過樂芙車輪餅買左件芋頭車輪餅,再向裡頭行. 台灣既惠康超市叫做頂好,格局比較陳舊,但部分種類貨品就好平. 點擊圖片放大 +8 師大夜市最熱鬧最多人幫襯既係燈籠滷味. 自由揀餸,然後佢會幫你掉落滷水鍋煮,拎番上碟十分豐富. 呢間感覺雖然都鹹,但就無程味珍咁鹹,而且可以食到多啲菜,感覺健康啲. 牛記生煎包,食落又唔算多湯汁,麵包皮唔薄唔厚,無乜特別,得個熱字,有啲失望. 師園鹽酥雞,又係自由揀餸,原來咩都可以落鑊酥炸,真係突破左我對鹽酥固有的概念.好香口,不過好熱氣,haha. 師大其實真係好細,好快行完食街,轉番去另一條內街,兩邊都係服裝店,一路慢慢行番出大馬路,就搭番捷運返西門町了. 點擊圖片放大 +20 呢兩日經過商場及街道,一直想試繼光香香雞,於是決定試一試,響西門町大門口買包返Airbnb食. 台灣的繼光香香雞同香港唔同,台灣既係零舍大件,大件到要咬開一半分兩次食,同埋有骨. 而香港我早兩三年前食,係細件啲無骨,有少少分別. 另外Sue響Airbnb樓下買左杯苦瓜汁share,因為呢排食咁多台灣野一定好熱氣,要下一下火,haha. 點擊圖片放大 +10
