12/11/18 陰 台北之旅 2018 Sue & Raymond 16 - 21 October 2018 #thesweetestcoupleintaipei #3 遠東SOGO/古龍糖/誠品敦南店/台北101/周照子鐵板清粥小菜 Day2 - 17 Oct (Wed) 食完無老鍋,慢慢行番黎忠孝東路,呢邊有幾間遠東SOGO可以行.時間充裕,所以三間都會望一望. SOGO復興館係幾高級,幾grand,但下午超市就未至於高檔到行唔到,而且夠大,都可以行一陣. 忠孝館就明顯平民啲,多啲野睇,岩行啲,係地庫超市及手信區較細. 敦化館就可以呼籲大家唔使去,又細又高檔,仲高檔過復興館,完全唔係我地呢種人逛既地方. 我地仲短暫逛左陣捷運站的東區地下街商店,亦響敦化館外的古龍糖買左杯黑糖珍珠鮮奶. 話說我地係第一次飲呢杯黑糖珍奶,都係覺得靚就幾靚,但好甜好多糖,haha.點解啲人咁中意飲呢? 另外聽聞黎緊古龍糖亦會好似幸福堂,老虎堂咁,過黎香港開分店,相信又會牽起另一番熱潮. 誠品敦南店本館,開24小時,底層有food court,亦有專門賣唱片既部門. 其餘都大致同香港差唔多,本館同我預期中差唔多,書店空間比想像般細. 下層較多用來出租做特許專營店,所以整體感覺似商場多啲. 出番外面天開始黑,原來落起大雨,由於呢頭無地鐵站,巴士站亦要行一段路先到,於是截的士,直接過去今晚最後的景點,台北101. 黎到101,我地首要做既並唔係上101觀景台,而係走落地庫,去手信區買手信?! 話說101呢排做緊啲promo,就算無持有會員銀聯卡,都有一個買夠400台幣送50台幣coupon的優惠. 我地就為左呢個promo,響101伴手禮區血拼,大手掃貨再拆單,來來回回拆左接近十張單,然後claim盡呢個coupon優惠,用完再換,換完再用! Sue話去左幾次遊客counter搞兌換,連個職員都笑左xd 我地頭尾應該拎左成六至七張coupon,足足慳左大約八十蚊港紙,都算係咁. 拎住幾大袋手信,又鳳梨酥又奶油酥餅,搞左一大輪,放低晒啲野響locker後,終於上去台北101觀景台. 台北101,都係好似一般景點一樣,自行上網購票平啲,我地就用旅遊網站購票,票價再平啲啲. 雖然都係觀景台,但始終台北多遊客,排隊去搭高速升降機要多啲時間.原來呢部係Toshiba既升降機黎,又真係幾高速下. 因為落雨,又凍凍地,出面天矇矇,好多煙霧,基本上觀景台有一邊係完全睇唔到外面風景,感覺有啲蝕. 慶幸隔一陣,啲霧氣開始驅散,可以睇得清楚出面少少. 不過台北始終唔及香港或東京咁繁榮,望出去唔係見到好多高樓大廈,好多都係平房,去到夜晚都黑媽媽,無乜燈飾. 唯獨係接近台北101的商廈區域,個景貌先比較華麗同吸引. 整體來說可能日間黎會精彩啲,多啲風景睇,亦望得遠啲. 返番去西門町,去食房東介紹的周照子鐵板清粥小菜.台北好多遊客會食既野,但如果連本地人都讚好,證明間野真係有啲料到,更加值得一試. 可能有啲夜了,可算是宵夜時間,所以等一陣就可以入座.周照子可以睇廚師即席鐵板炒菜,夠鑊氣. 叫左個餸有: 松板豬扒,真菲力牛扒,蕃薯葉,煎豆腐,菜脯蛋. 餸菜份量較少,都係當淺嚐個味道,白飯/白粥/清湯任添. 雖然唔大份,但叫左唔少野食都飽肚,而且味道係真心好味,每一樣都合格有餘,唔錯唔錯. 最後行埋西門町,去萬國滷味買左包鹽水雞,又走去北回飲杯木瓜牛奶(不過今晚呢杯差左),結果又係捧住個肚返Airbnb.
