去旅行安全真係好緊要所以第一篇blog，我決定要講下治安:p 歐洲既治安不嬲都比人覺得唔係太安全，尤其係巴黎，羅馬，米蘭⋯ 不過估唔到原來柏林都唔係咁好 （以下係啱啱呢個聖誕假發生係我身上既） 因為聖誕留係英國真係無咩做，所以同朋友仔決定去下柏林、維也納同奧地利小鎮Hallstatt 詳細既就遲D先再講啦 由於我讀書既地方距離London都幾遠再加上係早機既關係所以要早一晚搭overnight coach 去Heathrow。係coach 又訓唔到但去到柏林又無理由係酒店訓所以成晚無訓既我地決定周圍貢 點知因為個日係平安夜大部份既鋪頭都唔開，Christmas market 都無開，我地決定去布蘭登堡門點知搭tube 既途中就出事啦⋯ 布蘭登堡門:) 是咁的，當我地上到tube就揀左個卡位面對面咁坐，格離個卡位有2女1男個樣同埋聽佢地講既都應該係德國人。我地都無理點知搭搭下個2個女人就拎住份地圖行埋嚟問我地路。雖然我同朋友仔都唔識不過諗住試下幫下人⋯點知我望望下佢份地圖就feel到有隻手liu緊我！！！再幫幫自己個袋條拉鍊開左，佢隻手拎住我個銀包！！ 因為佢見到我望住再加上佢係單手做緊呢件事所以我即刻將自己個銀包由佢手上搶反再推開佢隻手攬反住個袋。而我位朋友仔就比較好彩因為佢只係比另一個女人分散緊視線所以佢無事，但佢都無發現我發生左咁大件事！佢只係覺得我突然間黑口黑面咁對住個女人。 之後我同朋友仔講，佢先知。 跟住我地當咩事都無發生過咁落車。 但係奇怪既係個幾位小偷居然無雞咁腳咁走反而勁慢慢行咁唔知係咪驚我地報警呢？ 其實我地都唔係無諗過，只係覺得我地都唔識德文，都唔知點講再加上又無真係偷到我d野所以咪算數囉:) 不過都係因為呢件事之後咁多日我同朋友仔都好警惕，所以大家都無事仲玩得好開心:D
