並非天生嘅素食者，但就係鐘意素食。 以前嘅我食親所謂嘅好野（fine dinner呀，大大碟海鮮呀…）配合埋餐廳嘅靚裝修，加埋靚景同我影嘅靚相，放上facebook，往往令朋友胃口大增問我響邊都想去食。唉… 非直接地，引領咗好多人去殺生。自知罪孽深重。希望仲有機會帶番領多D人想去食素食啦！ 素食往往比人感覺無味，無得揀，食唔飽… 嘅感覺，但，其實只要搵啱地方，一樣可以搵到好味又食到你好飽嘅素食呀！排名不分先後，今次想介紹嘅素食，係佢… 試新野！ 今次同媽咪做牛一，當然想搵間特別嘅餐廳啦！知道近日開咗間新餐廳響樹，一早就訂定位同媽咪黎食！東后齋環境好細，係一間小型餐廳，但內部裝修比人感覺好清雅舒適！ 呢度裝修都比人感覺好舒適。 觀世音菩薩 呢度其中一個特別嘅地方，就係有好多素食點心，不論平日我地響酒樓食開嘅叉燒包呀，蝦餃呀，咸水角呀，佢地都有得食！而且，真係樣樣都睇得又食得架！ 媽咪最鐘意食嘅香煎蘿蔔糕 ~ 家鄉咸水角，終於食到 XD 東后小籠包 碧綠素翅餃，阿B超鐘意食佢D素翅！ 金魚如意餃，不過條尾散開咗... 拼盆，有叉燒包、素菜包、粉果、蝦餃、黑松露餃同素翅餃 ^0^ 正！ 食完點心之後，我地又試下佢地嘅抄粉麵飯～ 咩黎？ 三色風味荷葉飯，用紅白米一齊煮，味道清香，媽咪好鐘意！ 羅漢炒麵，呢個就到處都有得食，不過不失啦！ 最後，當然唔少得飯後甜品啦！我地揀咗山水豆腐花！好彩早叫咋，隔離枱遲我地一分鐘叫，已經無哂了 ＞。＜ 手快有，手慢無！豆腐花要提一提佢地嘅桂花蜜糖，食起黎另有一番花香甜味！ 木桶山水豆腐花，大桶已經夠我地五、六個人食！好味！ 總結黎講，所有食物味道都唔錯，清清地！聽講… 遲D仲會出九折咭，到時我都要拎番張先得！ 佢地連門口裝飾都無隨便架！ 唔記得拎咭片～不過食之前記得訂位。店舖細細，得10張枱左右架咋！ 地址：香港銅鑼灣登龍街28號永光中心25樓 電話：2337 7733 fb: www.facebook/lifetoletgo blog: http://www.lifetoletgo.blogspot.hk
