一早訓醒，影下尋晚黎到黑媽媽嘅resort先！今次我地入住嘅係Al's Resort，位於Chaweng Beach中段，大街，超市，沙灘都係行唔洗5分鐘就到，十分方便！Resort lobby有free wifi，有兩個infinity pool，價錢幾百蚊一晚，抵啦！ Resort入面環境好大！ 另一邊有個後花園 ^0^ 其中一個infinity pool 呢2位小朋友扮職員扮得好似 XD 食完早餐，飲番杯泰式咖啡先！ 今日神咁早起身，就係為我今次黎蘇海梅島最主要嘅目的～潛水！但⋯⋯世事就係咁。人生，永遠充滿無限嘅驚喜。原因？事關我原本plan咗想去嘅潛水係diving，但⋯⋯原來朋友搞錯了，變咗snorkeling =.='' 講真，真係有D嬲同失望！但，朋友家人已經book哂野，diving嘅船又已經開出咗，都無計… 上船！ 行程係咁嘅，第一站先去Koh Nangyuan浮潛，食埋lunch之後仲可以再玩多一陣。為咗保護島上環境，所有膠樽都唔可以帶上島，個島真係幾靚，D水清到可以見底。第二站就去Koh Tao，船會響海中心停底，就可以直接浮潛，好多魚呀，仲見到手脾咁大條嘅海參，好西利呀！ 先到Nangyuan Island 好夏日麼麼茶～ 餐廳出面有呢個大千秋。 呢個位影相一流呀！ 大家估下呢度係做咩？ 係沖涼架 XD 要錢，同埋只可用清水洗！ 沙雖然唔清！ 浮潛 ^ ^ V 島上呢個位好似香港坪洲，哈⋯⋯ 由早上7點出門口，玩到差唔多6點，我地返到resort喇！ 玩完一日之後，我地返到resort又自己再玩過 XD 今次玩跳水！ 我地幾個玩跳水比賽，笑死 XD 仲有團隊組表演，我地跳到好似拜緊神咁 XD 第二日就咁就過咗，夜晚食完晚飯，shopping咗一陣，就去咗做按摩，好舒服呀！而且真係好抵！全身按摩一小時都唔哂HKD80，香港閒閒地街邊舖都要HKD200啦⋯⋯真係抵！做完按摩，就返resort舒舒服服訓覺⋯⋯早抖！ fb: www.facebook/lifetoletgo blog: http://www.lifetoletgo.blogspot.hk
