望住呢個咁寫意嘅美景，真係一流嘅人生享受！住得咁靚嘅一間resort，當然唔可以日日往外跑，浪費resort咁多咁好咁正嘅設備景致啦 *U* 今日，要留響resort享受過夠！

一流的風景 ~

雖然話hea，不過其實我今日響resort入面嘅行程都hea得好充實架！一早訓醒，不過其實訓醒時都差唔多下午，就響呢度食番個早餐先！

見到呢杯心型latte *U* 真係早餐都令人心都甜埋！

好特別嘅蛋 ^0^

早餐過後，因為villa入面嘅private pool平日夜晚有游，所以，今日就決定響resort嘅infinity pool感受一下。其實，同private pool分別唔大，因為無人，哈… 可以獨貼呢個無敵海景pool，響池邊休息時叫杯cocktail，真係爽！

係呀，infinity pool對出就係大海 ~.~ 舒服到我訓著咗！

Resort職員話一陣三點左右等客人check out後，我就可以同佢地upgrade咗比我嘅family villa講bye bye，入住番我原本book咗嘅ocean villa！親有少少時間，我落咗去resort嘅私人沙灘行下 ~ 黑沙！職員話呢個沙灘都比較大浪，所以唔可以游水的，太危險！但… 好彩我落咗黎咋 @.@ 原來呢個沙灘D沙識閃架！！！真係超靚！不過… 響我玩緊影相時，就有職員黎話我知可以轉房了，時間剛剛好，轉完房亦係我上瑜伽堂嘅時間要開始了！但我嘅ocean villa… 真係… 好… 正 ^0^

Resort嘅私人沙灘

近看才發現黑沙在石頭身旁閃閃發光。

呢張估佢唔到影得咁自然 ^V^ 鐘意 ~

好舒服嘅休息椅。

登登登登...ocean villa出埸喇！

一樣梳妝間有分男女兩邊，刷牙洗面唔哂爭！

浸浴浴缸又的確不及family villa...

但我好鐘意佢有戶外洗澡間 ~

呢個就係我張床望出去嘅景 ~

房間外面，villa入面嘅範圍。

就係因為呢度，第二日我揀咗響自己villa入面食早餐，正！

四點半準時開始嘅Resort瑜伽堂，係免費提供，感覺良好。本人自己都有學習瑜伽，都算應付得黎，最重要嘅係，除咗瑜伽動作之餘，呢度嘅課室對住個海景，配合微微嘅海風味道，上完呢一堂行出課室又係清新空氣同無敵大海景… 令人感覺同響香港學習完瑜伽堂走出課室就係空氣污濁嘅繁忙城市，分別好大！

我同瑜伽老師 ~

點為之hea得充實？其實，今日四點半瑜伽堂之外，六點半仲有spa要做架 ^O^ 嘩哈哈哈哈… 響resort入面做spa，雖然貴D，但勝在地方夠近(行幾步咋嘛！)同埋環境一定有保證！有一小時嘅小休時間，我響resort入面周圍走走，點知又有驚喜喇！原來今晚黃昏時段resort有cocktail evening，費用全免架！就係咁，又飲咗兩杯先去spa…

其中一杯來自resort cocktail evening嘅免費雞尾酒 ~

Spa嘅大堂，燈光好暗，影唔清楚，其實中間有個大水池。

做spa嘅地方

我向大家強烈推介，佢地嘅body massage有佢地自己風格嘅按摩架 ~ 就好似泰國有泰式按摩一樣！而岩里式按摩，係一種好溫柔嘅按摩，唔會推到你周身痛，但又唔會消除唔好你嘅疲勞，佢地用天然嘅植物精油(有三種比你選擇架，如果你有需要，佢地都可以按你需要幫你揀。)幫你做身體按摩，精油好快就得到身體吸收，50分鐘嘅按摩之後，唔係賣廣告，真係咩疲勞都無哂，個人變到唔只係好精神咁簡單，直頭係有係好清新嘅感覺！

又係好好味架！

繼續支持當地啤酒！

做埋spa之後，今日呢個“充實地hea”時間表就真係差唔多完結喇！響resort入面對住呢個一個又一個白色大浪嘅海灘，食住晚餐，飲住啤酒，我敢保証… 呢一刻我絕對地活在當下！

夜晚返入自己villa，都響出面hea咗陣先返入自己房間！

fb: www.facebook/lifetoletgo

blog: http://www.lifetoletgo.blogspot.hk

成功發佈