一大清早，我就已經起身裝身準備出門，因為平日無著開saree，唔熟手嘅我，要D時間去處理。哈… XD 由於我揀嘅飯店就響正泰姬陵東門旁邊，我步行過去其實一分鐘都唔洗，泰姬陵嘅開放時間，會隨著每一季有唔同。今日，泰姬陵開六點，我就五點半已經抵達門口，不過，我唔係第一個，已經有人排咗響我面前。六點鐘→’唔’準時咁開門，男女各分兩行，旅客及當地人又分兩行，總共四行，經過嚴謹檢測後，先至可以進場。 沿著入口步行，先係一度守護泰基陵嘅門，一直行入去… 終、於、見、到、大家成日講嘅 ~ 泰 ~ 姬 ~ 陵 ~ Taj Mahal ~ 紅砂石建成的，沿路步入就是... 天氣唔係太好，響朦朦朧朧嘅天色底下觀看泰姬陵，感覺有D似仙境嘅宮殿。咩都唔好講，親未響咁多人，影番張相先。 泰姬陵 泰姬陵 ~ 世界文化遺產 ~ 世界七大奇觀 無論你係因為咩理由而黎到泰姬陵，泰姬陵都一樣唔會令你失望。泰姬陵嘅動人故事我相信大家都知，所以都唔再提喇！但，泰姬陵真係一座好宏偉嘅建築物，相當之大，遠睇同大家平日睇嘅相片同名信片其實分別唔大，直到行近去，當整座泰姬陵就響前面，向上望，先知… “嘩…”嘅一聲，原來真係會發出。細心欣賞大理石嘅圖案，的確美麗。響泰姬陵行完一圈，我向泰姬陵嘅中心點，亦係陵墓進入。陵墓入面唔比影相，我聽到有導遊帶團同旅客講，沙賈汗王(Shah Jahan)同佢深愛嘅皇后慕培芝瑪哈巴(Mumtaz Mahal)嘅屍體仍然處於泰姬陵墓入面嘅底部，唔知點解，聽到之後，我更替皇后慕培芝瑪哈巴傷感。離世後終於可以同沙賈汗王長相思守，卻換來每日早上到旁晚時份不同國家嘅遊人嘅喧嘩。真係…難得清靜。 近距離望泰姬陵，真係好壯觀！ 牆壁上的文字，唔知佢寫咩 ~ 見到呢兩個人，就知泰姬陵嘅一少部份有幾大。 大理石上嘅雕刻。 細心看，的確美。 泰姬陵除咗宏偉同美麗，第二比我嘅感覺就係 ~ 最賺錢的！入場費係我去印度咁多站之中，最昂貴的。另外，可能因為我著住saree進場，當日除咗當地人之外，連從外國到印度旅遊嘅旅客都邀請我一同拍照。有人就講笑話：只要你跟每一個邀請你拍照的人都收取10盧比，你就可以響印度定居生活了！ 我心唸：我都想 :P 入埸費，包埋相機費同一支水 >.< 不過我唔記得咗拎支水。 沙賈汗王會響阿格拉堡遠遠眺望慕培芝瑪哈巴，未知慕培芝瑪哈巴呢？ 抽起泰姬陵先！ 我似唔似泰姬陵旅遊大使？ 泰姬陵嘅對方，係另一座由紅砂石建成嘅建築物，雖然不及泰姬陵，但都十分精心設計。 泰基陵對面由紅砂石建成的建築物 每一細節都好精細。 呢個好似大理石上嘅雕刻。 佢地參觀完泰姬陵，響外面休息 ^^ 原本都想響泰姬陵逗留耐D，不過… 要趕火車，所以我在下午時份離開，回飯店換套簡單衣裳，就搵咗間café坐底食下野，飲杯野休息下(因為經過尋日之後，我實在唔想響agra到處走，想靜靜的休息下)再去坐火車。 Agra的街道 ~ 我個人好鐘意印度嘅黑豬，總係覺得佢地好搞笑。 無位坐,坐住背包先，等火車向四色城市出發！ 下一站，就要去印度北部出名嘅四色地市 :D fb: www.facebook.com/lifetoletgo blog: http://www.lifetoletgo.blogspot.hk
