我響Amritsar遇到嘅人，都好友善。呢一日，我就好幸運地遇到幾個當地學生，帶我去睇金廟以外嘅野。同佢地，係響我入金廟食野嘅時侯相識，四位學生，有一個英文比較好，其餘三位都好怕醜無咩點講野。不過，加埋身體語言，都算溝通得到。 佢地帶我去嘅第一站，就係金廟，不過，唔係大家所認識嘅金廟，而係當地人先識去嘅小金廟！呢個小金廟，無野食提供，入面混入咗錫克教同印度教嘅代表，更加代表咗錫克教大愛嘅精神。雖然呢個金廟細細間，不過，少咗遊客嘅打擾，反而更加滿佈靈氣。 呢架就係金廟嘅suttle bus，後面黃白嘅就係火車站。 呢個小朋友好得意，雖然我唔知佢講咩，但佢全程係咁同我講野 ^~^ 當地人嘅金廟，真係比上一篇介紹嘅金廟細好多。 Amritsar嘅人都好好，好友善！ 去過當地人嘅金廟，我地嘅第二站，就係去公園。呢個公園，唔係普通嘅公園，係都有段歷史架，當時英國為咗收納印度，其實就係響Amritsar呢個地方，帶住武器對手無串鐵嘅印度人開火。當時，真係死咗好多人，不過，甘地堅持保持呢個公園，以提醒國民和平，唔主張暴力。但… 我就唔記得咗呢個公園叫咩名… 當時英國攻打手無串釘嘅印度，情況就好似呢幅畫咁 =.='' 成個公園都好多呢D公仔提示你當時英國嘅武力！ 響印度旅行，當然凡事都要小心，但，千奇唔係懷有偏見，認定對方係印度人，就一定會呃你。其實，印度都仲有好多好人架。好似呢幾個學生咁，帶我行咗金廟附近都有半日，不過唔係唸搵我錢，途中我地見口乾，佢地帶咗我去附近lassi最出名嘅餐廳，仲想請我飲添 ^~^ 不過我當然最後都搶過張單請佢地飲野啦！ 佢地就係帶我周圍去嘅當地學生，全部都好nice架 ^ O ^ 另外有一日，雖然無當地人帶我周圍去，不過，我就結識咗同樣響金廟進餐嘅遊客，一同在黃昏時份去另一個地方 ~ Amritsar嘅邊境 ~ 邊境另一邊，就係巴基斯坦！ 黎到呢個以前曾經響戰場嘅位置，一邊台上貼上了甘地的畫像，四周圍我都比好多好多同好多印度人包圍住，唔同年齡都有，甚至，有學校會帶同一大班學生黎參與。而另一邊則…完 全唔知係點（因為太遠，完全睇唔到巴基斯坦嗰邊係點）。未開始之前，播上最壯烈激烈嘅配樂，民眾都興高采烈地跳舞同歡呼。老實講現埸真係嘈到我完全聽唔到 人講野，咁大個女第一次感受到人類嘅歡呼聲原來係可以咁壯舉。到音樂靜止，換黎首領帶領嘅口號，雖然我都完全唔明佢地講咩，但心中只有兩個字嘅感覺 ~ 愛國 ~ 隨著印度人人強馬壯嘅聲威，贏盡巴基斯坦的一方之後，印度軍隊進行一系列成功嘅步操，升旗，光耀永留心中。 印度軍方嘅代表~ 呢班學生跳舞跳到興高孚烈仲拉埋我去跳，當然我無咩點跳，影完張相好快又行番上觀眾席。 軍人都退役了，多了個肚腩，不過面上表情仍然莊嚴，後面滿滿是印度當地人，懷著愛國之情不停歡呼 ~ 甘地，不用介紹了吧 ~ 印度的精神領袖，和平愛好者。 其實留響金廟留咗幾日，我真係好開心架，除咗因為呢度係錫克教徒嘅聖地，令到呢度嘅人都份有善心之外，仲有一樣野就係唔係唔知點解我發現錫克教徒D人嘅英文好似特別好。哈… 所以，係我之後落黎嘅行程，好多時侯如果我有迷路多數都係請教錫克教徙多。 響 我再次搭上火車，遇到一家好好的家庭。只有爸爸懂得說英語和我溝通，但小朋友都熱情地對我說著我不懂的印度語，而太太則靜靜坐在旁邊，時以微笑看著我。到 了晚餐時間，雖然我已點了火車上供應的晚餐，但這位爸爸堅持要我吃他們家自製的當地晚餐 =^.^= 老實講，好好味，真的感澈不已！ 他們這家人。 可愛的印度小朋友！ 燒已退，下一站，向印度最有名氣古跡文物之一 ~ 泰姬陵 ~ 出發！ fb: www.facebook.com/lifetoletgo blog: http://www.lifetoletgo.blogspot.hk
