響孟買，由於航空公司嘅問題，我比預期中要逗留嘅日子多咗一日，不過，好彩原先嘅時間都唔係好夠用，所以，留多一日，就可以比我有更多時間細意眼嘗孟買獨特的街道，英式同印式嘅會合，富有與貧窮嘅交叉，仲有多國文化嘅人… 除咗上兩篇所講到嘅建築，其實孟買仲有好多林林總總具的特色嘅建築物。同大家分享我最鐘意嘅幾個先 ～ 好有英國feel呢 ^0^ 的士更加英式。 HERMES都有，當然我無入去，都買唔起！ 印度銀行，係印度銀行最大行之一。 大家估唔估到呢度響邊度？係其中我最鐘意嘅一個室內設計嘅地方 ~ 郵局 呢個懷舊電梯、樓梯都響郵局特色之一 又估唔估到響咩？ 哈... 英文有寫，圖書館，我都入去感受咗一陣D書卷味。 呢個都係圖書館，不過係私人，唔係屬於政府，我嘗試過偷偷地入去 ^~^ 之後比人捉到，話要比錢先入得！哈... 雖然圍牆好高，但只係睇少部份就知呢個警局有幾靚啦 ~ 比宏偉嘅建築物包圍嘅一橦舊樓 ~ 好歐洲呀... 呀... 呀... 好多好懷舊嘅大廈內部，其實都好有味道。 另外，仲要一提嘅就係，印度只有孟買嘅雙層巴士(但我唔知聽邊個講，其實印度除咗孟買，仲有其他地方都有，不過唔知響邊)！孟買嘅雙層巴士，其實就等於香港嘅熱狗巴士，因為無泠氣架 >.< 但…由於都係英國嗰邊留落黎嘅遺產，所以設計都好英式化，樓梯都裝響巴士尾端。 呢架就係英式熱狗喇！ 樓梯就好洗式丁丁，響車身後部份上。 人都係孟買好普遍嘅交通工具嘅其中之一。 當然，另外仲有其他特別嘅地方啦 ～ 孟買大部份書檔都係咁隨地放滿哂書，所以D書都好... 多塵吓。 有D聰明嘅商家就會用透明膠包住D書，但... 只有少數。 我都唔知點解，不過行行下就有呢個地方，有飲用水同洗手水提供，但又唔係洗手間。 響孟買門對出，有好多呢D提供比遊客嘅遊覽車，當然，要收費啦！ 好nice嘅報販 ~ 好！講咗咁耐，係時間講下食。其實，孟買係我今次印度之旅食野最平嘅地方，當地好多地道餐廳都有英文餐牌或者圖片，點菜絕對唔係問題。可以一提係... 呢度都有唔少Chinese style嘅食物例如炒飯都可以一試，仲好味過香港嘅楊洲炒飯，唔用叉燒用羊肉炒，但非常好味！ 火車站附近每朝都有呢類型小販，唵咧可作早餐，都幾好味架。 我實話實說，我唔知呢杯野係咩，唔多好飲，不過當地人話下火，消除熱氣 好似香港街邊檔一樣，其實我幫親過唔少，無肚痛，好味！ 我又學煮下 ^O^ 街市好夜都未關門，而且入面原來好多野買。 講完食，又講下呢度D人。其實響孟買，人人都真係繁忙到好似香港人咁，所以無咩人會理你。之前我去貧民窟，話過有家窮四壁嘅人都唔係最窮，因為，最窮應該係呢D ~ 順帶一提，有次我見到有位女士真係下半身衫都無著就咁訓響街，不過，我影唔落手，所以大家無相睇，睇住呢D先... 咁樣，就已經係一個家。 可能因為我鐘意影埋擺埋D低能pose影相，朋友話佢開頭睇呢張相，響度搵邊個係我。 呢個唔係佢嘅家，只係佢嘅睡相，令我忌唔住影底佢。 總結： ＊孟買有個不夜城，零晨十二點仍然見到燈光十足嘅高樓大廈，零晨一點仍然可以食到街邊檔嘅自家雪糕，我話嘅～超新鮮！好好味！無肚痛！ ＊孟買係個歐洲建築物歷史博物館，市中心除咗建築物具有特色，部份更列入世界文化遺產之一。 ＊孟買有個富豪城，據聞世界最貴嘅豪宅就響呢度某大樓嘅頂樓。 ＊孟買有個貧民窟，入面有不為人知嘅生活、空間同角度。 ＊孟買隨處都係大家嘅家，大家都可以隨處安枕無憂咁入睡，唔需要擔心有警察來捉，只要你訓得著。 ＊孟買係一個好繁忙嘅地方，當中每日變化同香港差無幾，無人會為你停下腳步。 ＊孟買，可以會見男同男，女同女都會光明正大咁拖住手響街行。 ＊孟買，可以見到雙性人著住好靚嘅女性印度服飾響海邊傾計，好彩嘅話，你可以同我一樣同佢地影番張相，唔收錢！ ＊孟買，三更半夜都可以見到一相一對嘅男女拖住隻狗響海濱散步。 ＊孟買，有個好出名嘅海灘，不時有音樂派對，夜夜生苼，有人住響海灘入面，船底向上就係屋。 ＊孟買，食到港式嘅羊洲抄飯，竟然比香港嘅楊洲抄飯更好味。 ＊孟買，用可以食到十五餐平價晚餐嘅價錢，響泰姖陵酒店食一個下午茶，原來是值得的。 ＊孟買，係多國文化交流區嘅印度。 ＊孟買…如果有時間留耐D，應該會有更多發現…. 響機場訓一晚，下一站，向金廟出發！ fb: www.facebook.com/lifetoletgo blog: http://www.lifetoletgo.blogspot.hk
