上一篇去完孟買苦嘅地方，今次要去富嘅地方... 出發！ 孟買門，其實本人對佢嘅歷史知得一D都唔多，不過既然黎得孟買，又無理由唔去下嘅… ^~^ 呢道門，又真係幾大嘅... 黎到呢度，第一個感覺就係… 咩唔係旅遊點咩? 點解印度人多過外國人嘅? 忘記咗印度就好似中國一樣，去到任何景點，當地人都一定比外國人更加多。孟買門，係響孟買嘅最南端，對出就係海，黎到呢度感覺係良好架，響呢度沿海邊坐下休息下都幾舒服。由離開ashram開始，由第一個出發點~孟買開始，我就一路響唔同嘅街角，比唔同嘅印度人同旅客捉住黎影相。當然，黎得印度，都預咗，所以我通常都面帶微笑(響唔阻礙我行程嘅情況下)同佢地影嘅！ 其實成個印度好多地方都好多白鴿，有D景點更加白鴿多過人。 呢個印度人好似中東人，英文又叻，我開頭仲以為佢係遊客。 其實...係幾靚嘅 （＾∇＾） 孟買門斜對面，就係以前比恐怖份子火燒過嘅印度五星級酒店 ~ 泰姬陵酒店《The Taj Mahal Palace》，當堂覺得兩個景點原來如此相近，可以慳番唔少腳骨力！好！ 聞名不如見面嘅 泰姬陵酒店 ～ 大家千奇唔好以為佢同泰姬陵《Taj Mahal》有咩關係，其實無。地點都唔係同一個地方建成，泰姬陵響Agra，搞到好多人都以為泰姬陵酒店都響Agra，其實，泰基陵酒店係響Mumbai… XD泰姬陵酒店外場真係好靚好有特色，好似mix咗英國同俄羅斯嘅建築咁。不過酒店入面嘅裝修，其實同普通五星級酒店差唔多。 黃昏時份，更顯出孟買嘅美。 而我，就選擇咗響呢度品嚐一個afternoon tea，望住孟買門同孟買海，靜靜地響呢個好熱鬧嘅孟買市中心，寧靜地渡過一個下午。 記住佢，呢一餐下午茶嘅價錢夠我食平日十五餐平價晚餐 (((o(*ﾟ▽ﾟ*)o))) 跳舞中的Lord Shiva 英式下午茶點配以印式masala chai，真係好正！ 呢個景，真係幾正！ 之後我去到孟買大學，一群好美麗嘅建築群，好想入去睇下，不過深嚴嘅保衛響出面，死都唔肯比我入去 …>O<…. 就係咁，我只可以響出圍住黎轉，圍住黎睇，圍住黎影。 真係一坐好靚嘅解築物，可惜唔比人入去，只可以遠觀。 好鐘意右手邊條樓梯呀！ 法庭又係另一坐好靚嘅建築物，但同樣地都係唔比入內參觀，只能遠遠地拍下佢嘅外貌。 呢個就係法院 以下呢度，係我黎孟買最想去嘅地方 ~ 世界文化遺產之一 ~ 一百萬零一夜拍攝場地之一 ~ 孟買維多利亞火車站。 維多利亞火車站 整座火車站都滿布英式建築嘅設計 火車站入面 同我朋友去巴黎火車站D相，真係好似架... 孟買維多利亞火車站以家已經改名為Chhatrapati Shivaji Terminus(恰特拉巴提希瓦吉車站)，無論日與夜，都同樣動人。 其實我覺得夜晚更加靚，不過我部相機影唔哂 ＝。＝ 交通叔叔除咗好友善，仲好幫得手架，等D車唔好以為自己係大哂，會讓下路比路人過。 可能因為屬於係大站加主站，佢地有自己嘅旅客服務服幫助外國人買火車票，更有專屬旅客嘅坐位可以等候，我今次要去印度嘅十多個地方嘅火車票都係響呢度買，員工會好樂意同好有耐性去幫你。 專屬旅客嘅售票處 順帶一題，怕危險嘅女生坐火車可坐可專屬女生嘅車箱。 呢個火車站除咗歷史悠久，更加比我感覺好哈利波特，所以更加想黎。成個火車站好大，好靚。呢個火車站雖然已經好舊，不過仍然係一座好靚嘅建築物。 係踩好Harry Porter呢... ( ^ω^ ) 火車站對面，係另一座好英式設計嘅建築物，我唔知佢係咩，不過真係好靚。 好靚 ～ 日頭睇都一樣好靚，不過就係唔知佢係咩，無英 響孟買，除咗上一篇同本篇提到嘅景點，仲有好多特別之處架，不過放唔哂D相，下一篇再介紹過！ fb: www.facebook.com/lifetoletgo blog: http://www.lifetoletgo.blogspot.hk
