黎咗印度ashram住咗成個月喇！呢度嘅生活，每日大致上係咁：

響呢度洗衫都要自己洗架...成條繩都係我嘅衫 ^^

05:00 起身

05:15 飲杯熱熱嘅香草茶，不過事前你要大膽走入被蜜蜂圍住嘅門口先…你鐘意有奶添架
05:30 開始兩小時嘅瑜伽堂
08:00 分批去做唔同嘅karma yoga，即係去服務，例如清潔，煮飯，收割等
09:00 早餐，非常新鮮嘅水果，我喺香港都無食咁多
10:00 理論堂，瑜伽，真係唔係淨係將隻腳放上頭咁膚淺，更重要嘅係… XD
12:30 午飯，太美味，每次講完今餐只係食少少，都係食好多 =.=
15:00 理論堂，但有時趕課程內容會午飯後就即刻開始課堂
16:00 開始兩小時嘅瑜珈堂
18:30 Evening chanting，自由選擇，但我每晚都去，因去完都感覺到有好好嘅正能量 ^0^
19:00 晚飯，做完咁多野，食物亦真的太美味，我又...食咗好多囉
20:00 有時討論下，有時派對下，亦有時係問答環節
21:00 上床時間，但多數大家都未響床

響呢度嘅日子，我發過一次燒，但，我從未試過發燒發得咁唔辛苦，只係有飄飄地嘅感覺，事前無任何先兆，我亦無其他病徵，佢地話係因為我身體唔適應。始終，呢個時間表，看上去好簡單易做，但實踐起黎，的確需要唔少體力同意志。有些同學仔承受不了，中途已折返其家鄉。基本上，喺呢度每一日都好充實，而且好有紀律地知道咩時間做D咩。雖然辛苦，但，我好享受，而且，都真係肥咗。

記得第一次比媽媽見到我響印度張相，再同佢通電話，佢第一句就黎: 你唔好響嗰邊變咗個肥婆返黎呀!但...聽到媽媽咁講，我相信佢心係開心。嗰一刻，其實我都有甜甜地嘅感覺 ^~^

我地一班黎自世界唔同國地嘅同學仔~

題外話，響呢度除咗學習傳統瑜伽，你仲會學識到點同大自然相處。

而我 ^~^ 就已經學識同一隻好乖嘅狼狗、一隻見到係人都叫黑狗、街邊邊亂叫嘅癲狗、睇得唔掂得嘅牛牛、好Q大隻嘅蝸牛、咁大個女響香港都未見過嘅唔知咩蛙、不知名嘅雀仔、到以家都仲未識分係大網蛇或是其他無毒嘅蛇…(其實仲有好多)和諧咁相處喇！

知唔知響咩？

《Henna》是指甲花，同傳統針刺青的永久性紋身不同，只會在身體上保留十日至兩星期不等。印度稱為《Mehndi》，後來傳到西方後被稱為指甲花紋身彩繪《Henna tattoo》。

所謂的《Mehndi》，是指將《Henna》指甲花的樹葉製成原料後，以肌膚當成畫布在手與腳畫畫，象徵好運的印度傳統裝飾藝術。

今日親有時間玩下，不是專業的彩繪師，這樣…也算是很不錯吧…哈…

左手 @.@

右手 @.@

仲有我隻腳尖 @.@

響呢一個月，我好開心附近嘅農村莊入面，一樣見到好多有愛嘅人，同有愛嘅地方。住響農村入面嘅人都係好單純，從佢地嘅眼神笑容，你會明白咩叫無聲勝有聲，即使唔識當地語言，都可以以禮相待。

呢間係佢地嘅屋黎架！

呢間都係！

呢間學校好得意，外牆同內牆都係由老師手繪上去，主題有職業同動物，仲有數字，好有心思。

不過，要走始終要走….呢個時候心情真係好亂，好想快D離開去玩，但同樣亦都好唔捨得ashram呢度嘅環境，空氣同食物。我知道呢度嘅空氣，食物…同人，都一定同城市差好遠。但…我不入地獄，誰入地獄呢XD

只可以講，呢個月雖然辛苦，但我響呢度體會到嘅，係真正嘅traditional yoga。瑜伽唔係大部份人心目中，將腳放上頭，盡情屈曲自己身體，就係好嘅瑜伽，呢種唸法完~全~錯~。瑜伽係一種生活，一種態度，一個尋求真我，了解自己嘅旅程，而平日大家所見嘅動作，叫體位法，只係瑜伽嘅其中一小部份。

同一班印度小朋友影嘅相 ~

由ashram到孟買沿途嘅風景。好靚。

準備出發了 ~

返黎之後，好多人問我，去過印度學瑜伽，有咩得著?
每個人嘅旅程都唔會一樣，得著到嘅，唔係用言語可以表達到出黎，係大家各自內心感受到，都係唔同嘅心境，唔同嘅得著。言語文字…真係解釋唔到。

無錯！響本人未出發之前，我問過身邊到訪過嘅人有咩得著，佢地咁答我，我都的確想打獲佢地，覺得佢地答完好似無答。但以家，發現原來佢地講嘅野都係真，你唔親身經過，其實真係好難話你知有咩得著。只可以話比你知，一切都係值得的，只要你願意踏出第一步，同時堅持留到最後一刻，你便會體會得到。

以家，出發去孟買了 *^_^*

fb: www.facebook.com/lifetoletgo

blog: http://www.lifetoletgo.blogspot.hk

成功發佈