第二次放假，我選擇咗唔去小鎮，因為小鎮始終係小鎮，雖然唔及城市咁繁榮，但始終都係無咩村民嘅順水人情。所以，今日我決定去小村睇下，好開心嘅係，我無黎錯，小村嘅人，真係唔同D。呢一日我去咗Trimbak嘅一個小村莊，呢度…有我心目中真正印度嘅容貌。呢條村嘅人個個見到我都好親切咁笑，從佢地嘅眼神當中，會見到佢地對你笑唔係因為佢地對你有咩目的，而係發自真心，唔識用言語表達，所以用笑容向你問好，歡迎你嘅笑面不斷出現。 印度嘅付費電話 見到D香料就想食野 >.< 呢條村有三個Shiva Temple，不過好可惜，其中一個係山上面，我唔夠時間去，唯有比D心機搵我去到嗰兩個啦。呢度嘅Shiva Temple都唔比人影相，唔係蝦遊客，我親眼睇住一個印度女人將部手提電話放響衫入面想過關，結果…門口都未入就比人捉番出去，我暗地裡笑佢。 星期一係Shiva Day，所以呢一日有好多當地人黎朝拜，不論早或晚。呢條村嘅人都好友善，我向佢地問路，雖然佢地唔識英文，但一知我搵Shiva Temple，通通都好快好積極向我指手畫腳話我知個方向，而且…我響呢個地方第一次飲咗印度嘅蔗汁，我想講，無肚痾，好甜，好鮮，好好味!!! 響呢度，人同牛和諧共處 廟出面有好多唔同嘅店鋪買唔同嘅商品 呢個小朋友褲都無著坐響地下玩 你夠唔夠膽試？ 參拜完Lord Shiva，又醫好咗肚仔，我響呢個小村入面行咗幾個圈，佢地有好多好舊但我覺得好靚好有特色嘅屋，老實講有D我都唔肯定入面仲有無人住。 好特別 呢間唔知仲有無人住 呢間我知有人住^^因為有衫掛響出面 行過街市，我想同生果檔老闆娘影張相，佢一路講印度話一路擰手，我明白佢唔想影就準備走啦…點知…原來…佢係叫我唔好影...住！等佢執番好件衫，掛番好個頭莎先影。 著番好件衫，擺好pose比我影相嘅女士 哈…臨走前，好多人見到我留咗響村一段時間(老實講呢條小村又真係無咩外國人到訪^.^)，開始走近我同我傾計，當然，我係完全唔知佢地講咩啦，最後我同佢地影咗好多相，每次影完都比佢地睇番自己個樣。佢地好開心，我都因為佢地好開心而我亦好開心咁，響佢地歡呼嘅環境下，離開咗呢個小村莊。開心，但真係有D唔慣...哈... 兩兄弟 拜神嘅人，心地都唔會太壞 呢一家人黎自Nepal，係黎印度旅行架 ^^ 印度女性 呢個爸爸好好，我雖然唔係幫親佢間舖，但佢識英文，知道我要問電話咭嘅野，就好落力幫我講解。 fb: www.facebook.com/lifetoletgo blog: http://www.lifetoletgo.blogspot.hk
