由於好多同學遲到，課程要改遲一日開始，學校安排我地到咗嘅同學仔可以出去小鎮行下或者留響學校休息。我知道課程完結咗之後，當我開始遊歷嘅時侯，我一定再 無咩機會有咁長日子留響一個地方，所以我當然選擇去小鎮睇下啦，順便睇下有無地方啱心水比自己做番套印度saree啦^~^ 其實印度人自己都知道太陽嘅傷害架，你睇佢包得幾實就知啦。 咩都唔好講,飲番杯正宗印度chai先！ 我份人就係咁，咩都唔好講，食咗先，又幾好味～ 如果你到市場一走，就會見到好多呢D生果舖，唔講未必知，印度水果異想咁好味，如果你有機會黎，不防試下，我個人最鐘意食佢地嘅蕉，幫助消化之餘，食淨D蕉皮仲可以餵牛食，唔會浪費。 響小鎮行咗一陣，做哂D原本到步應該做哂嘅野（不過落機時係零晨時份，當然無可能做到D咩啦﹣。﹣）去銀行換咗錢（原來銀行都唔比影相架！），醫咗肚，買 咗電話咭（買完之後我真係唔明點解未出發前個個都同我講幾咁難先買到電話咭，其實都係就咁買咋嘛～），然後，當然到最重要嘅環節啦！就係去揾個地方買匹布 做我嘅saree~ 最後我揀咗佢，好開心，因為之前嘅saree都響香港做，做唔到咩款出黎，今次響當地做，件上衣就可以做特別D喇～～～期特中！！！ fb: www.facebook.com/lifetoletgo blog: http://www.lifetoletgo.blogspot.hk
