今次又返深圳喇! 我今次一定要食到我最想試既 - 太二 小胖一向都係唔食淡水魚, 又唔食酸菜, 由知道有呢間當紅太二酸菜魚既時候心入面都糾結住要唔要試下 詳細內容 / cafe 位置已更新!!! 請到以下網址： https://www.travelliker.com.hk/blog/3265-%E6%B7%B1%E5%9C%B3%E8%87%AA%E7%94%B1%E8%A1%8C%E7%B5%82%E6%96%BC%E9%A3%9F%E5%88%B0%E7%95%B6%E7%B4%85-%E5%A4%AA%E4%BA%8C%E9%85%B8%E8%8F%9C%E9%AD%9A 今次住得離羅湖遠，上網搵搵 網上冇得取號，膽粗粗都衝過黎睇下，雖然12:07先到步，不過呢間唔算多人只係等13張枱，12:40分已經可以入去喇 點擊圖片放大 店入面有洛神花&陳皮, 仲有教學話比大家知落幾多, 一開始飲落味道淡淡的, 不過就會越泡越香, 唔加錢飲飲品既可以試下啊 紅油鴨腸頭 ¥26 呢個有少少辣，但相對其他辣黎講佢呢個辣油既辣度係好輕微，我都食到。鴨腸頭新鮮關係食落真係爽好脆身！好味道 芥末蝦仁球 ¥32 本身覺得有點貴，不過食落又真係估唔到佢～幾好食 感覺即刻覺得同價錢成正比喇！ 新鮮熱辣辣上枱，蝦仁咬落去脆卜卜而且口感都幾彈牙 因爲外層包左芥末沙律醬，同炸蝦球都幾夾，不過正因為咁所以要快d食，唔係既炸蝦就會變淋左 老坛子酸菜魚 ¥118 (附加脆豆腐¥8) 一心期待既酸菜魚終於上枱喇! 二人份量既酸菜魚都幾大盆，除左辣椒外仲加左好多菊花瓣，令到成件事即刻靚晒! 餐廳用上既係鱸魚，塊塊都係雪白無比既魚肉 啖啖肉口仲要係~ 超 級 超 級 『滑』 ! 湯頭一開始飲其實只係淡淡微酸同好少好少辣，酸菜唔似一般出面好酸果d，食落冇想像中咁酸，口感爽脆，食落都不知不覺會覺得開胃左! 魚肉適中唔會太厚或太薄，食落就好似廚子幫魚上左粉底咁，滑lulu又完全唔腥 真係改寫左我一向唔太中意食淡水魚既諗法! 食晒d魚或者食到七七八八再飲個湯已經變得酸酸的 相信係因為酸菜浸泡而變酸，宜家飲呢個湯真係幾開胃，眼見都有好多枱客人加白飯食 (難怪店內有教學喇!!) 不過對於小胖胖黎講食完盆酸菜魚已經飽! 根本就食唔到飯 附加脆豆腐就有少少失望，感覺就好似香港魚片頭果d魚片咁，白魚蛋咁既質感，感覺冇咩特別...可以不試 整體都係個唔錯體驗, 如果唔使排咁耐隊既一定會再encore啊
