估不到759的效率如此迅速, 日本3月底開始熱賣的熱焗KitKat, 不用兩星期, 即時運抵香港, 更加一包13片裝只售$26.3, (今日更特價$23元), 阿太說:「好彩我無叫Facebook帶水貨嗰小姐賣咋, 佢話要$55蚊一包呀!!」 放入焗爐烤焗的「焦糖布甸味KitKat」, 上個月網上看見時我己經口水流, 阿太說:「你唔等聽日特價先買?」我已經急不及待 :「算啦, 差$3蚊, 即係返去焗嚟試吓麻, 聽日特價賣晒米弊??」 據說這新口味是由日本糖品達人高木康政所研發的, 新口味KitKat的Size較我們吃慣的為細, 外表似足白朱古力味的KitKat. 包裝背後建議我們用1000W的焗爐焗2分鐘至2分半鐘, 不過, 我家的焗爐最高溫也只是450W, 所以當烤焗時間到達2分半鐘時, KitKat也只是底部開始熔化. 於是我再繼續將KitKat放回焗爐加熱, 此時阿囝開始心急, 望著KitKat表層開始變成淺焦糖色時, 他即時不停大聲叫道:「得啦!! 得啦!! 燶啦燶啦...﹞ 焗爐一打開, 香噴噴的朱古力布甸味即時飄出, 嘩!! 真的香得不得了. 望著半熔化的朱古力, 阿囝問:「係米芝士嚟架爸爸? 咁似芝士嘅!!!」 包裝指示說明要待朱古力冷卻後才進食會比較好, 事實熱食真的會有太甜的感覺, 而且可能個人比較燥熱, 熱食了兩包, 喉嚨好像有點點乾乾乾涸的感覺. 我嘗試再將剩餘的再多焗2分鐘, 出來就更有焦糖的質感. 冷卻後進食, 甜味減少了, 表面帶少少脆, 不會有剛才加熱後的熔化感覺, 雖然香味亦少了很多, 但整條KitKat好食3倍以上. 其實一向懶惰的我, 用焗爐真的覺得很麻煩, 所以我很想証實微波爐能否做出同樣效果呢? 於是我用低溫每20秒一次加熱, 最初的40秒沒有反應. 之後再多加20秒, 其中一條KitKat的中央開始有少少變化. 再多加20秒, KitKat爆開的情況更加嚴重, 但表層依舊沒有變焦糖顏色, 最後再加20秒, 結果燶味滿天, 整條KitKat也報銷了. 可憐的燒燶KitKat...事實証明「焦糖布甸味KitKat」一定要靠焗爐才可以「變身」的. 日本賣 540日圓, 759只售$26.3, 你無理由不買來玩玩吧!! Facebook : https://www.facebook.com/hayakutang http://dayanlife.blogspot.hk/2014/04/kitkat-263759.html 宣傳你的專頁
