三年前，第一次來大坑睇完舞火龍之後， 我和朋友就被”魔手“的裝修吸引住，入內食了一餐好味的晚餐。 “好味道”除了因為食物， 更重要是魔手的環境有令你置身日本家庭食店的感覺。 那種日本家庭小店最愛的木椅木枱，加上大約4個坐位左右的壽司BAR，細細的空間，但卻充滿無限”日味“。 三年後的今日，慶幸魔手仍然可以屹立不倒，証明好食物， 好氣氛，絕對是戰勝之道。 真開心，我們又可以再次見面。 （題外話：“魔手”前有一個“青”懸掛，正正就是等待火龍一陣間來採。如果，我們遲3個鐘來，就可以邊食邊欣賞火龍採青的盛勢 最初，我還以為”魔手“店主是日本人，後來看到貼在牆上的報張報導，先知道店主潘世杰是在日本學藝兩年後，回港想創一間正宗日本味道的家庭式小店，所以，店內所有醬汁都是採用百份百日本原料，由店主親手調配。 無錯，“魔手”的食物真的好有日本氣味。好食!！ 今次，我地點了牛仔骨及炸雞柳套餐。 牛仔骨又諗又入味，真係連骨都唔捨得放過，件件都吮埋。 炸雞柳都好食，夠鬆夠脆，雖然唔可以話係驚為天人，但已經砍驘所有連鎖大戶屋，丼丼屋。 隨套餐還送一碟”牛舌“作前菜。 嘩!！又爽，又索，又入味，真係好食過好多其他地方比錢叫嘅主菜。 之後，就係今晚我覺得最精彩嘅食物出場～”魔手蛋卷“ 這件外表好似普通的煎蛋餅，實際絕不能看少。 ”魔手蛋卷“不單切開可看得出有層次之餘， 就算你食落都可以食出箇中每層不同的感覺。 外層有少少脆，之後甜甜地，再其次就來到濃濃嘅蛋香，之後，你會感受出魔手蛋卷有如一位16少女般幼嫩軟滑，絕對有不捨得吞的感覺。皇牌果然係皇牌。一試難忘。 （食“魔手蛋卷”最重要係影完相就要立刻食，因為一湅感覺就會大打節扣） “魔手”全店只有16個座位，所以，兩次我都見有人龍出現。 本來，食完都想坐低嘆杯茶，但係一見出面人龍，又唔好意思坐得太耐，所以，我地影多幾張相就離開了。 有機會一定要再來”魔手“。好好味嘅食物，好日本嘅氣氛。 推推推!！！ 魔手和風拉麵 地址 : 大坑京街 22 號地舖 Facebook : https://www.facebook.com/hayakutang
