上回主要是講述大澳的景點 : 大澳一天自"遊"行 原來大澳好似旺角一樣好多人. 其實, 今次來大澳目的真正目的是尋找美食, 不過, 有小小個人貼士, 如果不是太肚餓, 盡量忍忍口, 永安街上的"美食", 只可遠觀, 因為步過橫水渡橋, 真正美味小吃才正式出現. 阿太上次由大澳回來, 不停推介炭燒雞蛋仔, 又說外脆, 內軟不得止, 簡直是粒粒的小蛋糕... 今天, 看完中華白海豚, 急不及待請阿太帶路, 尋找炭燒雞蛋仔... 我們一上橫水渡橋, 經過街市街轉左入石仔步街己經鑄成大錯. (應該轉右入吉慶街) 街市街轉左不足五步己經看到人龍在一間名為"大澳華記"的雞蛋仔. 炭燒雞蛋仔 $14, 電爐$12元. 我問阿太:"係米E度..." 她還即時上網邊看FB朋友的相, 一邊猶豫說:"上次唔係E度喎, 好似後面, 可能搬左..." 上圖明顯是兩個人, 一肥 , 一健碩 (圖右正版). 我問肥老闆 : "炭燒和電爐出來的网雞蛋仔有咩分別呢 ?" 肥老闆大華答:"無分別, (咁點解賣貴兩蚊呢 ?), D人鍾意炭爐有風味麻, 不過, 我地E度整出嚟果D同出面唔同架, 好食D..." 我一聽己經知他亂答, 再沒心情理會. 失望地放一粒炭燒雞蛋仔入口.....失望中更失望 普通得如同旺角任何一間煎釀三寶中的雞蛋仔貨色. 我只可以說不難食. 但對於一個雞蛋仔痴來說, 我不會再食!! 朋友說:" 返轉頭再食正宗的吧!!!" 唯有是這樣!! 之後沿石仔步街街數十步就見有一特色茶舍, 朋友說買支話涷檸檬茶吧... 雪涷了的檸茶, 在暖暖熱熱的天氣下, 很涼快, 不過, 慣渴多糖涷檸茶的我來說, 有少少澀. 一邊渴檸茶, 一邊向前行, 在未到消防局之前, 在一小小木屋又見人龍出現. 我問:"你地排隊買咩呀 ?" 糯米糍 !! 有人答我....與此同時, 內裡忙於製作糯米糍的伯伯大叫 :"無啦, 今日賣晒啦, 得返最後7粒咋..." 但此時排隊人數超過十人. 排中間的阿哥:"做多一, 兩粒得唔得呀 ?" 阿伯回答 :" 無晒粉啦, 聽日啦, 今日無啦.." 下午15:30 就賣晒的原來就是著名的隱世茶果財, 財叔... 又與財叔糯米糍緣慳一面!! 沿石仔步街一路向西, 我們參觀完澳文物酒店回程時, 竟然再次踫上剛才吃過美味的芝麻砵仔榚收檔回家. 我望一望鐘, 時為17:05分, 立刻上前問:" 老闆, 你咁早收檔呢 ? 仲有冇砵仔榚?" 老闆答:"只係剩返芝麻味 !! 其他賣晒啦啦!!" 剛才吃了芝麻砵仔榚, 又香又軟又滑, 好食過平時的黃色, 白色的普通砵仔榚多多多多多聲, 真的要"安歌", 雖然賣相麻麻地, 但真的好好食. 我再問老闆:"好食的雞蛋仔同豆腐花係邊度呢?" 老闆一面執拾一面答:" 吉慶街 東京士多對面麻雞蛋仔, 不過, E家5點應該收左, 你快D去睇下....豆腐花E家檔檔都差唔多, 無乜特別" 吓...5點就收檔... 我即刻快速急步飛去東京士多... "蛋仔叔叔你要等埋我呀..." 一邊跑一邊心想. 結果, 當我去到東京士多附近問人, 炭燒雞蛋仔在那裡的時候, 我和黑超雞蛋仔叔叔終於有零點零一秒的眼神接觸... 因為他己一早執拾完成, 關上大閘.... 原來, 今次得到教訓是大澳吃小食, 要一早來... 同一天內, 兩度失望....此時阿太遞上一個對面「大澳餅店」的沙翁, 很香, 新鮮炸, 熱辣辣的. 濕濕地, 軟綿綿, 好有蛋味.好食喎. 但因為外層"撈"滿白砂糖, 有潔癖的我食得有少少顧忌. (只是個人問題), 但真心的....好味. 吃了甜食, 整個人也沒之前的失落.... 行前少少, 忽然被香香的蛋蔥味吸引, 又見有人龍在排"CHINA PIZZA" 香妃卷 - 英文名 叫CHINA PIZZA 大大個, 老闆會先問你分幾多份, 然後個別袋起, 很好的服務. 香妃卷等於一個大大的, 多多料的煎薄罉, 薄罉打上蛋, 舖上蔥, 芫茜, 芝麻, 菜脯, 秘制醬汁和脆岳岳的脆, 捲起即成. 最初我們以為脆岳岳是薯片, 老闆說:" 係蛋加醬粉炸成的, 想大家食落多D層次感. 香得不得了, 甜甜地, 鹹鹹地, 有爽有脆, 感覺真的不錯. 如果, 以小食來說, 六個朋友分享, 份量剛剛好. 下午18:00, 我們又排隊等候11巴士回東涌, 今次人龍更長, 我們足足等了45分鐘才可上車, 就這樣, 年初六的大澳之旅就此完結. 不過, 不甘心的我一定會在短期內回來, 因為財叔糯米糍和黑超叔叔雞蛋仔, 我一定要把你們全部吃入肚才心息呀!!! Facebook : https://www.facebook.com/hayakutang
