由上月26日才開始換的7-11《筆Buddies》, 本來說換購至8月20日, 但上星期已經出現斷貨, 今日更加要預購. 上星期多間換罄的7-11都說要過兩天才返貨, 結果前日全線7-11返了少量, 不足兩天又再次被人掃光. 昨天, 我去和7-11姐姐說:「我聽日帶阿囝嚟, 妳同我抽一盒三眼仔得唔得呢?」7-11姐姐回:「吓, 返得好少貨咋, 我諗今晚都會換晒.」 吓!!不是吧.... 那唯有即時買多60元東西, 集齊6張印花, 立即換一盒吧. 我對7-11姐姐說:「妳幫我抽三眼仔喎, 我屋企已經有5個淋支支!!」 好好人的7-11姐姐幫我搖了兩盒又放低, 之後搖第三盒, 就拿到我面前說:「我唔知係唔係架…」當盒一開, 我摸一摸黑色袋….嘩!!有天線架. 真的是三眼仔. YEAH!! YEAH!! 結果, 回到家阿囝開心了一晚. 今天, 我們帶了一些迪士尼貼紙去送給7-11姐姐, 本來再想多換一盒巴斯光年, 誰知一去到7-11姐姐已經交叉手勢說:「換晒啦… 要預訂啦, 唔好意思!!」 結果, 我們送了貼紙後, 再到附近所有7-11問, 每一間也換罄. 好失望. 現在補領好還是等待再有機會返貨好呢 ? 補領就要個多月才有, 太心急的我又不想等, 怎麼辦好呢? 煩惱!!煩惱!!非常煩惱!! http://blog.yahoo.com/ahyan2000/articles/1214152/index
