7AM就起身啦! 因為要去同人爭位參觀大澳文物酒店呢! 我地係MOTEL食埋早餐先出發, 簡單的早餐, 頂一頂先! 8點9黎到集合處, YEAH!! 雖然都好多人, 但今次成功啦! 我地10點鐘個場就上得去啦!! 發現原來都幾多大澳人黎參觀呢! 每團大約十個人左右啦! 導遊係分AREA去帶住我地參觀呢! 所以每PART的導遊都應該背到D History熟哂啦..haa! 呢個就係舊大澳警局的樣貌啦!! 活化之後會係點? 大部份地方都是保番原貌啊! 牆由頭油過哂, 結構上大致都沒多大改變, 危險的地方都封鎖起來, 避免遊人進入! 以前鎖住犯人的地方, 現在用作客戶服務中心呢! 那個監牢仔仲keep住係度啊! 山坡處還保留水炮, 將水警基地的特色盡量保存住! 建立在山坡上, 一望出去就是大海了! 海風迎面吹來, 好舒服啊! 成千幾蚊去住一晚, 當然要睇下佢有咩值得去入住啦! 大家一齊望望房間入面係點o既樣啦!! 分客戶跟套房啊!! 有些是雙人床, 有些是2張單人床, TOILET有些是企缸, 有些是浴缸 如果我入住一定選浴缸, 因為屋企無得浸...hee... 酒店亦為了推動本地遊, 提供了幾個不同的住宿package, 可以帶你遊覽大澳呢! 針對不同對象, 朋友, 情侶, 家人等等, 或者是以生日, 渡假或參觀性質去決定入住package! http://www.taioheritagehotel.com/tch/stay/packages.jsp 酒店當然要有餐廳啦! 這裡有一個餐廳, 這就真的是改建出來了! 是一個透明玻璃屋? 溫室? 晚上這裡可以享用晚餐, 看著頭上天空的星星食飯! 好romantic啊!!! 我諗下次肥仔生日, 我會搵機會入黎同佢慶祝呢! 我又係度食野啦...haa!! 因為係未正式營業, 他們只有小食及飲品提供! 12點度就離開啦!! 咁又逗留左2個鐘~ 正正中午....好熱啊~~~ 可是, 完全無影響我地食慾, 行返出大街時, 不斷有很多小食檔呢! 我地不斷咁食, 又食豆腐花, 又食糯米滋! 難得入黎, 雖然唔係第一次黎, 點都會行去柵屋群同大橋都影下相啦!! 每次入黎都覺得唔多大變化, 真的太好了~~ 好快又行完, 我地就決定落船啦!!! 入過黎幾次都無試過去睇中華白海豚, 今日咁早天氣又好, 所以決定出海啦! 係柵屋群兜左轉, 欣賞了這個香港水鄉之後, 就直出大海啦!!! 剛好就係去返舊大澳警局對出海面! 嘩!! 估唔到俾我見到海豚啊!!! 仲要3次咁多啊! 好開心呀! 不過太快了... 影唔到相呢!!! 但係心情很興奮啊! 我諗整程船大約遊你20-30mins左右啦!!!一落船我地又去食tea啦!! 今次幫襯茶餐廳呢~~~ 2點半度我地就走人lu~~因為買左戲飛係東涌UA睇戲呢! 點知睇完爭女特務王, 我地又唔想行街街喎..即時又買多套戲睇... 當然我都想睇架呢套電影! 好耐無試過, 一天內睇兩套戲..HA! 晚上終於試到一直想試的泰國菜-ERAWAN THAI, 位於赤蠟角~好唔方便! 不過, 一早打去訂左位, 佢有專車係東涌地鐵站接送啊! 我地入到去8點! 可惜是一早就BOOK了OUTDOOR...點知今晚勁大風.. 吹到個頭同隻眼都痛到死呀....又凍...我地個位仲要部暖爐壞左...陰功...吹左成4個字先轉到入INDOOR! 已經無咩食慾而且好眼訓....食左1個鐘度就閃人LU! 野食一般... 我的生日就係咁渡過了....呢個WEEKEND眨下眼就無左...都RELAX.. 但仍好攰~ 不過, 試了很多想試的地方及野食~我都好滿足了!! 最後送上幾張在大澳的SNAPSHOT!! 希望大家喜歡這次分享啦! 如果有機會去大澳, 不妨去看看文物酒店吧! 雖然地方不大, 但對於大澳這個小漁村, 難得有個新遊點! 而且建築特色去影下相都唔錯喎~ 想訂酒店？ 不正妹愛在BOOKING.COM訂酒店，大家可以去看看。 WITH LOVE, ＊不正妹＊ＰｒｉＭａｙｙ＊ email: primayy.blogger@gmail.com 相關文章 : 2012生日 之 潮遊大澳 Day1 : 終於去到SOLO CAFE ! 入住了B&B-ESPACE ELASTIQUE! http://freshprimayy.theztyle.com/home.php?mod=space&uid=25007&do=blog&id=156396
