遊電車河捉精靈．筲箕灣隱世歇腳處『上咖啡 Captain Coffee』 樓上CAFE，門口有少少暗，但入到去好舒服呢! 當日發現間CAFE旁邊有間SALON連接住，隔住透明玻璃窗空間感充足，哈哈~ 從網上得知好似話係同一個老細添，不過未經證實架，聽住先啦! 室內裝修優雅，職員好有禮貌。周圍的裝飾及書架上都可見教會信息，個人覺得老闆或職員有機會係教友。 ^_^" CAFE左手邊有一排書架任取來看的，打發時間歇下真係唔錯!!! 書架上有首爾、日本、台灣旅遊書、教會傳導書、小說、兒童書及其他各式各樣的書籍...突然覺得自己文青到不得了。 價錢合理，可以歇好耐都唔趕你走。(留意坐位唔多，如果咁啱撞正人多就真係唔好意思HEA咁耐阻到人嘞) 當日我地都成4點幾上去，剛好有好幾枱客人走，得返3枱客都係睇緊書同細聲傾計，環境絕對清淨。我地選擇食TEA 。WOO...超級好味呀!.... 依個all day menu N餐，OREO芒果木槺凍餅 HK$29/件，好食到呢!....超水準呀!!!! 依個all day menu L 餐，紅豆綠茶窩夫配雪糕 HK$58 ，外脆內軟好蛋香味!...讚呀! 可惜ALL DAY MENU係唔包野飲，要另外叫! 我ORDER了泡沫咖啡 HK$26/S SIZE。留意係冇拉花的，想要拉花就要點 LATTE先有嘞! 朱古力咖啡 HK$28/S SIZE 捉完精靈之後搵間CAFE歇下，邊飲咖啡邊睇書，真係好舒適捨意呢!!!~突然文青上身，唔係偽架，堅有睇書架! 上咖啡 Captain Coffee 筲箕灣筲箕灣道361號利嘉中心1樓 港鐵筲箕灣站 A2 出口, 步行約4分鐘營業時間 星期一至六: 09:00-18:00 星期日: 14:00-18:00 星期三休息
