荃灣隱蔽清新小店『白宮 White House Cafe』即時文青Feel上身 今次去到荃灣HEA下，之前有朋友話近年荃灣廣場果邊開咗好多小店，一直沒時間去，今次就去試下啦，就選了這間小店，但位置有點兒隱蔽(其實由荃灣廣場過一條街就是了)，不過講真有手機有GOOGLE MAP其實真係唔難搵的，只係確實會被周邊的車房影響視線，因為全條街很多車房呢，有心去朝聖的朋友仔要耐心咁去尋找白雪雪嘅她嘞! 冇錯由荃灣廣場走到享和街一直行到尾遠處見到一間白色的小店就對嘞! 當時原本想影門口樣，但因門外有好多人等緊位所以都不便影相了。係呀...超多人等位呢! 但我地係2位佢地一4個4個咁，剛好2樓有2位所以我地就直上2樓不用等超幸運的，基本上樓下係純白色，樓上係藍白色裝飾，個人鐘意坐樓上多些，感覺更輕鬆更舒服，唯一美中不足坐樓上要等佢地職員上嚟先可叫服務，為咗食要耐心些因職員人手不足不會經常上來的，但個人就覺得相對地會較自在囉冇乜人打擾丫麻。 藍色配特式的裝飾好治癒系，好文青FEEL囉，好醉了! 其實初初周圍係好多客人(已坐滿了兩層)，好彩之後走了才可有空位影下相 (仲有係其實初時旁邊的人都會坐得好近有少少唔自然，要說話細聲些呢。) 但真的很喜歡藍色牆壁很美很美喔! 即時自覺吸了仙氣一樣兼文青FEEL 上身不斷拍照。(自HIGH MODE上身中!!!) 當時係下午3點其實食LUNCH食TEA都OK，結果就心大心細...嘻嘻...基本上係被周圍的景緻治癒緊個腦諗唔到想食乜! 淨望個紙MENU都夠^_^ 結果ORDER咗個 H餐 # ALL DAY BREAKFAST HK$60 再加小食 德國腸拼盆 慢慢食慢慢HEA吹下水勁正! 點解杯野飲同D乾花咁襯架...好美喔!!!! 再加個 LUNCH #E 餐卡邦尼意粉 HK$58 濃濃的汁好正呀! 唯美到不行的咖啡廳…我立變文青！ # 被花花包圍好治癒喔 # 坐在這裡可消磨一整個下午 白宮 荃灣享和街16號嘉華樓地下D舖 港鐵荃灣西站 A2 出口, 步行約8分鐘
