去台灣夜媽媽有咩做?! 又行夜市?! 有D悶喎!!! 咁其實有另類選擇嘅，好似我咁可以去飲下野囉! 食個小食飲下酒HEA下都OK架! 唔洗怕唔係夜場果D飲酒，係普通一家大細都可以去嘅餐廳。環境氣氛一流，仲要周圍都有分店。未試過嘅朋友仔不妨一試。 其實重點不是只係小食飲酒咁簡單，介紹得係有特別嘅，講真香港有LIVE MUSIC嘅地方真係唔多，仲要係唱英文歌，所以我每次來台灣都心思思點都會去一晚，其實每次住唔同區域可試唔同的分店。從官網見到有唔同特式的據點(分店)。另外留意最好先訂座因為超爆的經常冇位喔! LIVE MUSIC有時間限定的，詳細可到時問店員或先上官網查詢。 台灣金色三麥現釀啤酒 (有不同口味選擇：大麥、黑麥、蜂蜜及季節限定) #本人全部都喜歡呢! 這間係位於美麗華百樂園商場裡面的『金色三麥餐廳』當日係坐二樓氣氛一絕。 以上相片係第二次去，同一間分店(美麗華百樂園商場內)，今次人多坐樓下，邊聽LIVE MUSIC邊吹水飲酒，絕對係工作後治癒的好地方。好似佢地口號一樣，台灣『金色三麥』現讓啤酒，絕對係一喝就愛! 南海分店出面有好多座位可坐住等，可想而知會幾多人等，當日我已好夜已經散咗好多人，相信晚飯時間仲多人呢! 第三次到，選擇南港分店(當日超爆已BOOK位都要等，好彩唔係晚飯黃金時間去應該仲多人)，環境裝飾略有不同，整體感覺及氣氛一樣，但當晚感覺駐場嘅歌手超正，初初一直唔見佢起邊個位置唱緊，以為唔係呀播碟冇LIVE 唱?! 結果行去TOILET時路經終於見到佢...佢堅起現場唱緊喎，嘩嘩嘩...勁似播緊碟囉...超水準表現!!!! 讚呀! 有冇留意到我三次都係叫魷魚圈呀、串燒呀咁~ 因為超好味喔，配酒一流!!! (純個人意見喔!) 基於3次都係因為已經食咗其他野先去，所以冇叫主菜食物，只可點小食囉，有興趣朋友可試其他主菜喔到時再大家分享下。 記得去到台灣有機會去試下喔，比自己一個特別的夜晚! 佢有好多分店，可到官網金色據點查下。 官網：http://www.lebledor.com.tw/index.php
