遲來的文章...一直忙一直忙未停過未回到氣...又係果句如果唔係自己BLOG而係要交稿的話，咁脫稿法實比人追到甩褲。 好嘞，講返日韓台的事先...嗯....台灣回來後七月初就去咗一轉東京，只係回來後一直忙一直忙未得閒寫文章分享，真的太多野想分享未知從何說起加上人超級懶所致! 不過如果講東京一定要講『築地』因為就嚟冇架嘞，唔係...係搬遷啫(暫時消息指會於今年的11月3日關閉並搬去豐洲市場)，所以點都要再抽空造訪一次，懷念下過百年歷史的老街老舖，怕去到豐洲後再感受不到這種感覺，當日試咗好多間小店，但最想介紹都係築地場外市場的老店『鮨國』，最出名係食新鮮海膽，絕對能給你新鮮兼滿到瀉的感覺，包你搵唔到白色(白飯被海膽滿滿的蓋著)! 其實東京食店特別係築地每間舖都比夠細小所以位子有限 (佢得25個座位)，加上每日新鮮開新鮮弄，自然形成排隊現象，未開門就有粉絲乖乖的默默地排隊等待著。 這天我們排頭位可以影到門口位置 (雖然七月的東京真的很熱但婆婆不說)，默默的等待著，感覺大家都朝著同一目標，期待幸福感湧入胃的那一刻。 果然! 一試難忘，當下這一刻幸福感經味雷直湧入胃! 旁邊的日本粉絲，嘩、唔、嗯聲不絕於耳邊，代表著唔洗講野! 唔好煩我! 我淨係想同我面前依碗海膽好好咁談一場戀愛囉! # 採用最高級的北海道產及青森縣產兩種海膽，元祖こぼれウニ丼 (3,800YEN) 講到依到...我正在哭泣中，因為談完這場驚天動地的戀愛後，返回現實世界...我...我發覺已經失去了他，至今都搵唔到代替品，昨晚嘗試去現實世界的"板X"搵番這感覺...可惜...可惜同樣貌但始終係兩個世界的，現在只能好好回憶、望相止渴吧! 東京都中央區築地場外 4-14-15 交通方式 : 距离築地市場 345 米 交通：都営地下鉄大江戸線 築地市場駅 徒歩5分／東京Metro日比谷線 築地駅 徒歩5分 營業時間 【月～金】10:00～15:00 / 17:00～21:00 【日・祝】10:00～15:00 (ネタがなくなり次第終了とさせていただきます) 提供午餐 / 定期休假日: 水曜日
