響cradle mountain渡過左寧靜嘅3日2夜就要下山喇，我地從Sheffield上山，落山時響中途選擇左另一條路，因為要去睇螢火蟲鐘乳洞﹗

呢個地方係mole creek，附近主要有2個鐘乳洞：Marakoopa Cave同King Solomons Cave，而今次就揀左Marakoopa Cave，當然係因為入面有螢火蟲(glow worm)睇啦﹗呢度每日有唔同tour時段，可以參考Mole creek caves。

到達cave前有一段20分鐘左右嘅樹林小徑，可以感受一下侏羅紀嘅環境，事關入面有好多高過人嘅蕨類植物(fern)，亦有橫切面高過人嘅大樹。雖然有路可以揸車直接駛到cave 入口，但都好建議大家行一行呢條小徑﹗

今次參加嘅係Underground Rivers and Glow-worms Tour，guide係一個好funny好似聖誕老人嘅伯伯，佢帶住大家全程好幽默咁介紹唔同嘅石，亦會提示大家邊度可以影相，而且好surprised佢仲識唔少廣東話﹗

睇左唔少鐘乳石後，就會去到壓軸嘅螢火蟲位置，tour編排好有心思，最後一熄燈，我地抬頭望到好多螢火蟲發出藍光，感覺就好似滿天星星咁，好興奮﹗由於呢個地方唔俾影相，所以只可以寫到少少感受，glow worm caves數量唔多，澳洲同紐西蘭就佔左其中好大部分，如果大家去開Tasmania有時間可以去睇下~

行完咁精彩嘅cave tour可以繼續落山，附近有蜜糖店可以行下休息下，店入面有好多唔同味道嘅蜜糖試食，仲有雪糕食添﹗店入面亦有一啲養蜂嘅介紹同埋周邊產品，款式都幾多而且唔貴，我地都買左少少蜜糖同埋紀念品~

行完後就往Tasmania中部Ross羅斯小鎮(魔女宅急便取材)駛去~

更多飲飲食食旅遊資訊：識玩識食Facebook Page

成功發佈