黎到墨爾本想探小企鵝，最熱門嘅選擇相信係Phillip Island，網上搵到嘅資料同提供嘅day tour都非常多。如果有興趣自己去尋找小企鵝的話，都可以睇睇以下介紹嘅St Kilda Pier~ 呢個地方係St. Kilda Pier，可以搭Train響The Esplanade站落車行10分鐘左右去到碼頭盡處就到。 呢度基本上每日傍晚時分都會見到小企鵝由大海搵完野食返屋企，當然，日落時間要視乎季節。建議響日落前早少少到達，坐定定欣賞一下風光，又可以坐個靚位，慢慢就會見到其他人同一班義工黎到。入黑之後會開始聽到企鵝叫聲，義工會幫忙用弱弱的紅光(千萬唔好用閃光燈同電話燈直接照，可以加玻璃紙)照住，幫助遊人親親小企鵝。呢度嘅野生小企鵝相對Phillip Island比較分散，不過就近距離好多，睇到相入面石頭上一撻撻白色嘅就係企鵝便便，要小心唔好阻擋到佢地返屋企嘅路線，否則佢地就有家歸不得架喇。在場義工都會保持秩序，希望儘量唔好太嘈吵嚇到小企鵝。 呢個地方其實離著名嘅七彩小屋Brighton Beach Boxes唔係好遠，揸車只係15分鐘左右，但public transport就好迂迴，所以當日就直接用taxi app call左車，或者用uber都可以。 點擊圖片放大 順帶一提，睇完企鵝搭叮叮回市中心其實可以經過娛樂場Crown Melbourne，如果有時間都不妨行下~ 更多飲飲食食旅遊資訊：識玩識食Facebook Page
