<識玩識食遊澳洲---Tasmania中間偏左Ep.1> Christmas Hill raspberry farm餐廳 壁畫小鎮Sheffield 搖籃山Cradle Mountain 住宿Cradle Mountain Wilderness Village 到埗嘅第二日開始旅程，先去raspberry farm食個靚brunch。由於踏入冬天，已經無raspberry生長，不過都有相關食品例如果醬等。估唔到田園地方嘅食物都好精緻，附近有好大地方閒逛，仲有草泥馬玩下﹗ 點擊圖片放大 +6 之後一路揸去Sheffield，呢度係上cradle mountain前儲糧（同入油）嘅地方，買左三日兩夜嘅食物！黎到呢個壁畫小鎮當然要睇埋Eason嘅大作~而最近周柏豪都畫左幅，大家可以睇下圖欣賞下﹗呢個小鎮真係幾小，不過作為必經之路，都不妨輕鬆行下～ 繼續直踩上山，山路又斜又彎，真係要打醒12分精神，因為其他人都揸得好快（連長貨車都係），必須要留心對頭車，安全至上。 今次響Wilderness Village 住兩晚，貪佢近cradle moutain入口同埋有可以煮食嘅小木屋，亦接近自然，一出門口就會見到可愛嘅小袋鼠wallabies ﹗當然，有free parking都好重要～ 一覺訓醒就出發搖籃山國家公園，可以選擇揸車入或者利用park shuttle，兩種都係可以入到dove lake（鴿子湖），之後就要行山喇（有長達一星期嘅路線！）～因為住宿入口對面就係shuttle站而且考慮到山路單線行車，所以都選擇shuttle。如果響Tasmania會入幾個national parks可以買定pass，泊車後放響車檔就ok。Park pass 參考 Dove lake附近都有清晰指示，等遊人同行山人士選擇適合嘅路線，我地就無行晒dove lake circuit，而係向上行一段路，到wombat poo休息點hea下就折返，全程兩三小時左右。 行完山時間尚早就去左附近嘅Devil@cradle，係小動物Tasmania devil嘅保育園（需入場費），有定時tour session，可以見到平時比較有警覺性所以少見嘅devil，亦當做保育嘅少少支持。Devil@Cradle保育園參考 可能當日比較多雲，搖籃山景色未算好特別壯麗，不過仍然令人有洗滌身心嘅感覺，而且山上好寧靜，令人好放鬆，值得一黎！ 更多飲飲食食旅遊資訊：識玩識食Facebook Page
