<識玩識食在澳州系列---蠔，全部都係蠔Ep.1>
@塔斯曼尼亞Lease 65

響Tasmania留左9日，但頭半行程唔近海，直到第5日向東邊海岸線出發，終於可以狂食蠔喇﹗

今次呢篇係報導Lease 65蠔場，位置就響Binalong Bay附近～呢度啲蠔新鮮甜美唔在講，仲要抵食！未開殻嘅只係$10一打，開左嘅就$15一打，冰就$3一袋。

即場食左兩打開左嘅，加啲檸檬汁（可自備或果度買，好似係$1）一隻接一隻滑落喉嚨，真係超爽！

最後買多一打返去開，始終技術無咁好，又有機會隻蠔無咁靚，所以呢$5都抵俾人賺嘅～果邊開蠔通常最後都會反一反，等漲卜卜果邊面向觀眾，真係睇到都流口水呀！

最後附上蠔場附近嘅景點Bay of fire，藍天白雲，萬里無「人」，加上紅石，無得輸！