<塔斯曼尼亞的冬天-小介紹> 幾年前經Eason現代塵世美介紹過之後，多左唔少人去Tasmania玩，今次趁有假期，就揀左呢個地方放鬆一下。 成個澳洲旅程17日其實由墨爾本去到塔斯再去悉尼，而其中9日係響塔斯。呢個地方有成61個香港咁大（以陸地計），人口就只得50萬（截至2014年），仲要主要集中響幾個城市，可想而知其餘地方係幾咁人煙稀少，基本上羊咩同牛先係大多數。 今次黎到塔斯係6月底，進入冬天，日照由8am到5pm左右，山上有機會落雪，而農作物生果會相對比較少，但蠔就開始肥美啦 下面個圖可以簡單睇到今次旅程重點，塔斯有2個機場：Launceston同Hobart，當時Jetstar嘅Launceston機票平啲，就揀左呢度出入，機程大約個幾鐘。另外北面嘅Devenport有來往墨爾本碼頭嘅船，船程大約9小時。 詳細介紹陸續有黎，都會提到Eason 同 柏豪bb 嘅畫作@Sheffield壁畫小鎮點擊圖片放大 +2
