昨天趁個風未打到,我地去咗扮文青,報咗個latte art workshop~ Steam Cafe 鋪頭細細,但麻雀雖小、五臟俱全!有得歎咖啡,飲花茶,食個light meal,仲可以join coffe workshop同埋借旁邊的studio玩yoga/跳舞/開P等等,個大海景仲要唔錯的!窗外仲有溫暖嘅陽光照入黎,成間Cafe都顯得好和諧好warm :) 點擊圖片放大 +2 講番個workshop,今日的workshop有4個人,咖啡師Joe老師帶Workshop 帶得好好,一開始大家都有d緊張,不過Joe談笑風生,大家好快就投入到個workshop! 原定兩個鐘的workshop足足玩咗三個鐘,主要學左打奶泡同拉花,真係易學難精!!! Joe隨手就打到好smooth,好棉密的奶泡,拉到杯好靚嘅咖啡~ 我地就當然冇咁嘅功力啦。。。不過!! 無論我地拉到幾肉酸,Joe都可以化腐朽為神奇,變返個可愛嘅圖案出來~.~ 練咗不下十幾次之後,小妹拉到個小小變咗形嘅心 >< 一邊學拉花當然要一邊嘆咖啡! Steam Cafe的咖啡豆係咖啡師自己溝、自己炒的,沖出來嘅咖啡好香醇,味道微苦帶回甘,酸度偏低,好啱我口味。 多謝Joe招呼咗我地成個上午,又學到嘢又嘆咗靚咖啡,下次要黎試埋呢度d食物先得! 餐廳:Steam Cafe 地址:上環皇后街62-63號時代商業大廈4樓 電話:2559 8298