薯仔太耐無UPDATE，回到7月頭的時候去了澳門! 為既係去小丸子學園祭展覽!因為薯仔係小丸子超級FANS! 整個展覽分為多個區域，包括小丸子的屋企、校運會的情景、小丸子3年4班的課室、小丸子爺爺的俳句、櫻桃子老師的手稿展示以及澳門獨有的展區 展覽中首先見到卡通片裏老是常出現既小丸子屋企情景，亦有小丸子媽媽經常出入的廚房、一家人一齊食飯的大廳、小丸子同姐姐的房間等等。然後屋企後院更有小丸子躺在地上抖涼！大家不妨一起訓下來，躺在小丸子身邊發個好夢喇! 走出小丸子屋企，就係清水市的街道，最特別莫過於理髮店前站立著剪完頭髮的小丸子! 再行就會見到超受歡迎的3年4班教室，牆上更設有3年4班的座位表，大家都可以扮演不同的同學仔，當中最突出的丸尾同學當然是班上的焦點! 跟住就係運動場展區，大家可以同3年4班同學仔拔河、跑步，小玉爸爸一貫作風瘋狂影相，小丸子既屋企人就在旁邊為大家打氣! 最後是只有澳門站才可以看到的特別展區！有櫻桃餐廳食葡國餐，亦有大三巴場景，仲有媽閣廟場景同小丸子踩單車等等! 整個展覽除左可以與小丸子一眾角色拍照外，而每一個展區更設有紀念印章吸印!大家就記帶定本簿仔去喇! 趁住暑假未完，大家快D買張船飛捉緊暑假既尾巴去喇!!! 日期：即日-9月11日 開放時間：星期一至四 12:00-20:00／星期五至日 11:00-21:00 地點：澳門會展中心（澳門國際機場對面，金皇冠中國大酒店旁） 票價：MOP 120 如何前往: 1.新濠影匯—>金皇冠中國大酒店：每 30 分鐘一班 (展館開放時段) 2.巴士路線： 26, MT4：由筷子基北灣出發 AP1：由關閘／港澳碼頭出發 MT1／MT2：由舊葡京（亞馬喇前地）出發 36：由氹仔客運碼頭出發 到達澳門國際機場站下車，步行到機場 1 樓離境層，過斑馬線到金皇冠中國大酒店，乘搭酒店電梯到 9 樓，澳門會展中心就在出口右邊 3.的士：行駛偉龍馬路到金皇冠中國大酒店下車，上 9 字樓出口即可到達 Facebook : 食樂潮點 Instagram : playanddinespot
