上回講到去三清洞玩韓服、食傳統韓定食，仲有咩好做呢？

每日都不能少既就係去咖啡店~ 呢間Cafe 既特別之處係由百年老屋改建而成的，保留韓屋既外觀，而且呢度既老闆仲會幫客人畫肖像畫。

橫樑位有幅老闆既自畫像，又真係幾似架喎XD

慢遊豬叫左一杯美式咖啡，唔錯唔錯。

店內坐位唔算多，大約6張枱、坐到約4-5人既Bar 枱，另外一邊既烘培室都有位，但只坐到2個人，簡直係VIP房。今日人多坐滿就影唔到太多室內相。

復古燈加上黃色光線、以及木傢俱帶比人舒服、溫暖既感覺，真係想坐番一個下晝。呢度仲會播懷舊音樂，又有好多複古既擺設，周圍都有老闆既作品。

店內有好多老闆畫既肖像畫。

呢度有咖啡豆賣，每一包都可愛圖畫！

另一個重點 - 手繪畫！

呢度既老闆得閒就會幫客人畫畫，風格獨特。只要係Cafe 消費，加KRW1,000 (HK$7)就可以有一幅肖像畫，而且全數捐出。今日呢度特別多人，所以想要幅老闆既作品都要排一陣隊架，一路排發現有唔少遊客特登泥，亦見到有婆婆排隊。

老闆畫得好快，幾筆就畫完喇，1分鐘都唔洗，直接畫出重點！最後老闆會問你個名，將你個名寫埋落去先簽名既。

小姐，請問你邊位？當時朋友仔已經係笑死左~ 藝術呢家野...

雖然係非常特別既畫風，不過都幾得意既~~ 係旅行之中一個特別既回憶！

老闆會示意你去夾起幅畫等佢風乾(晾畫XD)，如果有5-6幅一排咁一齊晾，個畫面應該幾壯觀，然後可以入去嘆埋杯咖啡，走果陣先拎番。

咖啡磨坊 커피방앗간

地址: 서울 종로구 화동 102-1 首爾鐘路區花洞 102-1

營業時間: 11:00 ~ 24:00