最近完結既韓劇《雲畫的月光》同埋《月之戀人 - 步步驚心 : 麗》，佢地既韓服實在太靚~~本身對韓服體驗冇乜興趣既慢遊豬，今次決定玩下！ 係免費體驗韓服，可以去明洞首爾國際文化體驗中心或者仁寺洞宣傳館，但係d衫就冇咁靚、體驗時間又好短，通常得10-15分鐘，而且又冇得著出去周圍走。如果撞正太多人就冇得體驗，好可惜架嘛。 付費既韓服體驗係三清洞、仁寺洞、景福宮附近都有好好好多。今次慢遊豬就去左三清洞，順便去食傳統韓食~~ 三清洞有幾間好出名又多人去玩既，但好多都係玩1-2個鐘，而且除左租韓服既錢之外仲要逐一收費，包括: 頭飾、手袋仔、儲物櫃錢。 慢遊豬去呢間，樓上2樓，所有野全包！KRW 14,000 (HK$96) 玩足全日！在晚上9:30前還就得啦。韓服質素都非常好~~好靚好靚~~ 而且呢間係超多韓妹租衫。 就係粉紅色店鋪跟冷麵店中間的門上去2樓就是了。 程序係: 1. 自己揀衫，去換衫，唔岩換到岩心水為止（如果唔習慣或者真係怕唔夠衛生，可以照著底衫同長褲，底衫最好淺色啦，條裙通常都夠深色，而且呢間鋪有底裙提供係吾洗怕會透） 2. 自己搵個空既儲物櫃放野，當然貴重野跟身啦 3. 搵職員，佢地會幫你落扣針令套韓服fit身，再幫你整靚靚，包括綁好長衣帶既蝴蝶結 4. 揀岩心水既頭飾，之後如有需要扎好條低馬尾或者長辮，職員會幫你戴上髮帶 5. 揀手袋仔 6. 去櫃枱比錢，職員會提你幾點前要番泥（唔洗證件抵押） 之後就可以周圍去影相啦~~~ 如果著韓服去宮係免費入場。 髮帶綁得好靚！（朝鮮少女走進現代大街XD） 近鏡睇睇慢遊豬既韓服係傳統款，朋友仔揀既係改良韓服，上身件短衣係半透花花。 穿越到朝鮮~~~ 去韓屋或者宮度影相點都靚d既~~ 慢遊豬同朋友仔中途著住韓服去食傳統家庭式韓定食，係特別有feel架，下篇介紹。 三清洞一日遊 【首爾】穿越到朝鮮: 著住韓服嘆傳統韓食 【首爾】懷舊的味道 – 咖啡磨坊 오늘하루한복 3호점 地址: 서울특별시 종로구 안국동 22-1 2층 首爾鐘路區安國洞 22-1 2樓 前往方法: 安國站(328) 1號出口直行到路口轉右，當見到天橋就差唔多到了
