我們快快check-in完，就出去食晚飯，去了南門 남문 Nammun，叫了參雞湯、海鮮煎餅以及燉牛肉，食物質素不過不失，但不要抱有太大期望。另外，南怡島的餐廳都很早收，晚上8點後就關門，所以怕餓可以買定杯麵或者其他零食晚上在酒店食～ 回到靜觀樓，我們是住4人套房，有一張雙人床和兩張鋪地的ondol，晚上7點幾，留意番酒店是沒有wifi的，我就趁這個時候慢慢寫明信片～朋友就用wifi egg睇running man，隻wifi egg在這個時候是最有用！ 浴室都幾大，有毛巾、沐浴用品提供，但洗面用品請自備，唯一一個缺點是花灑出水比較慢，沐浴時間會長左，亦有些人可能會不習慣。 第二朝勁早就出左門口，為要係最少人的時候影靚相！不過早上6點的南怡島霧氣未散，好寒！怕凍人士要準備多件衫或者一條頸巾。 咁早去影真係冇人架 XD 超開心～ 整個南怡島好似自己後花園咁，想點影就點影！松波銀杏路的銀杏樹真的好好好靚！！ 我自己覺得杏樹無論影相定現場睇都靚過紅葉，雖然有少少味。 有對香港準新人7點就影緊結婚相，見到新娘件婚紗都覺得凍，不過我相信影出來是唯美的。 9點左右人開始多，食完早餐回來再影就見到一班韓國小朋友，應該是來秋遊～ 老師叫佢地企上去一齊做動作，影左幾次先影到。 之後去影七大樹王之一，真的超高超壯，名乎其實！ 之後仲去左周圍影~~~ 臨走在碼頭又一班韓國初丁，小學生大合照，一路排隊等搭船，又有幾批韓國中學生、高中生入南怡島，難度這日是秋季旅行日？！集體MT~~ 中午12點左右出島，下一站是要去玩江村鐵路自行車。搭完船出番去，碼頭有幾間食春川辣炒雞，呢間 남이섬꼬꼬춘천닭갈비 (中文應該譯作: 南恰島咯咯春川辣炒雞) 特別多人，我們在門口睇緊邊上網打算搵食評的時候，有一家香港遊客岩岩食飽出來，極力推薦話好好食，所以我們就直接入去 XD 官網: http://www.nccdgb.com/ (韓文，拉落底的MENU有英文同埋相) 一開始店員會幫忙炒年糕，我都忘了這份是送的還是自已叫的。 然後落雜菜和雞，辣炒雞可以揀辛辣 (매운맛) 和比較溫和 (순한맛) 。 不太能食辣的落單時可以跟店員說: 순한닭갈비 주세요. (suen han tak kai bi chu se yo.) 食左一陣，叫左一份韓式麵條 (似烏冬) 落埋一齊炒，另外也可以揀炒飯，應該比較飽。這老闆、店員都非常親切，食物質素相當唔錯，雖然不是最好食，但個人覺得已經好食過南怡島入面的餐廳。如果想方便就腳食番餐，可以考慮下 남이섬꼬꼬춘천닭갈비。 就此告別南怡島，下次撞岩秋天一定會再來！
