由細到大我都好鐘意貓、狗、兔仔、鹿~ 每次見到啲家品、文具有啲靚既動物圖案我就忍唔住想買~~ 最近我又買買埋埋一大堆動物飾品！ 等我就同大家分享下~產品有平有貴 :p 1. 兔仔心口針 / 頸鏈 ($1xx) 鐘意兔仔產品既，無理由唔識呢個香港手作品牌a little bit~ https://www.facebook.com/page.alittlebit/ 佢地應該全部野都係handmade~我前前後後買左3、4件頸鏈~不過唔知係咪手作關係，都幾易甩...不過用個鉗夾返又ok~ 2、3. 貓貓手機殼 ($188) 我作為一個貓奴，緊係想24小時都同我2隻貓貓一齊，不過我又要返工，佢地又要係屋企賣萌，緊係無可能24小時見住！ 所以我決定要訂製一個貓貓機殼 :) 用波子、薯餅嗰樣黎整返個phone case!! 拿，無可能就咁成張相車落個機殼都咁肉酸既！一定要有design先得~ 最後我就係PetPatHK前後訂製左4個phone case :p https://www.facebook.com/petpathk/ 呢2個我用既~一個夏日風~ 另外一個就簡樸啲~ 仲有2個就緊係送左俾人啦！ 宜家成日去街都有人問我機殼係邊到整~~ 4、5. 鹿仔/北極熊長頸鏈($2xx) 呢2條長頸鏈其實我考慮左好耐先買...因為其實都幾細粒，加上又太平...所以我足足行左2次翟度翟先決定買！ 2條都係泰國品牌Mary Lou既出品！ http://www.loumarylou.com 鹿仔~~ 北極熊~~ 雖然2件都好細粒，不過做得好仔細！啲毛、斑紋全部都有畫嫁！所以其實都好值~ 6. 兔仔花花頸鏈($6xx) 呢條應該係我買動物系列暫時最貴既一條~無記錯佢係法國N2品牌~ https://www.instagram.com/n2_paris/ 佢都一樣做得好仔細~毛毛都有畫！而啲花就有漸變色既效果~呢個夏天我差唔多每隔2日就戴，我直頭無收入到首飾盒到 :p 7. 金球兔仔頸鏈($1xx) 我知，我有好多條兔仔鍊，但我控制唔到自己！我真係好鐘意嘛... 又唔係貴...總之我就有一萬個藉口繼續買 :p 呢條係apm行市集既時候買，好似係日本進口的~ 雖然無上耐嗰幾條咁仔細，不過配金色好靚嘛~ 8. 黑貓冷球頸鏈 呢條係朋友仔送既禮物，所以唔知幾錢呢~ 朋友仔之所以買，就係因為好似波子！平時著淺色衫都好靚！ Facebook : 80後的人妻「旅」友 邀稿 : wingring417@gmail.com / wingring@ymail.com
