以前去旅行，我一定會預先諗好有乜必食、必買！ 但好多時就係意外帶來驚喜！ 所以今次我地慕尼黑+巴黎之旅就亂入餐廳~亂叫野食：p 就係我地去梵爾塞宮嗰日我地唔知食乜好… 就去Tripadvisor搵附近餐廳，誤打誤撞搵到呢間La Cour~ 呢間小店都幾難搵…不過因為我地有朋友揸車所以都ok~ 去到真係嚇左一嚇！！因為店入面Full晒，加上得幾張枱… 仲要全部都係2人枱… 我地3個人只可以坐室外…T^T… 重點係當日得7℃…但見Trip advisor啲食評讚到天上有、地下無！我地就捱住凍都食！ http://www.tripadvisor.com/Restaurant_Review-g187148-d1962044-Reviews-La_Cour-Versailles_Yvelines_Ile_de_France.html 由於老闆娘唔係好識英文…我地又唔識法文… (餐牌得法文，我睇得明既只有法式焦糖燉蛋：p) 我地只好亂嗌野食！！ 佢有前菜+主菜or主菜+甜品~ 以下就係我地亂嗌下既食物~~ 飲品：Cappuccino(低B既我以為塊餅係黃糖…=.=…最後知道係餅後一直傻笑：p) *評價：塊餅好好味！！香港都有得賣~~ 贈品：法包(全部法國餐廳都送的~可以無限添食！) *評價：係我食過最好既！真係做到外脆內軟！而且好有包味：p 前菜：芝士乜乜雲吞！ *朋友仔評價：好濃既芝士味！唔係個個都頂得住！ *友人評價：真係好濃芝士味… 主菜：紅蘿蔔乜乜牛肉批！ *朋友仔評價：好好味！！要鑽研下點煮！！ *友人評價：頂…我唔食紅蘿蔔囉(…點知佢食左第一啖)哇！！勁好味！紅蘿蔔只係有甜甜地既味！啲牛雖然攪碎晒但都好好味！好有牛味！！！ *我既評價：好好味！係咸點到有少少甜味但一啲都唔怪！ 主菜：青黃紅椒乜乜雞肉多士 *朋友仔評價：好味咼！(詞窮) *友人評價：啲雞好滑！聞落有椒味！食落就一啲椒味都無！正咼！！ *我既評價：(呀！！我唔食椒嫁！！點解成個都係椒…………)食落完全無左啲椒既草青味！而且啲椒好淋！煮到同啲洋蔥一樣淋！！個汁好好味！多士外脆內軟！ (我最後竟然食晒！！一個唔食椒既人竟然食晒啲椒！) 甜品：法式焦糖燉蛋 *3人評價：好滑！偏甜！好好味！ 甜品：朱古力蛋糕 *3人評價：無特別，普通朱古力蛋糕，偏濃。 (早知叫多個燉蛋好過！) 最後我地3個人只係食左48歐元！！ 物超所值！要知道巴黎一個麥當當餐都要7歐元呢~ 唔怪得全部Tripadvisor既網友都話好食：) 如果有機會再去巴黎，就算我唔再去梵爾塞宮我都絕對會再去La Cour！ 有機會既話，希望你都去試下呢間法式小店，尋找真正既法國菜！ 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
