唔知大家平時用開咩卸妝產品呢？ 如果我嗰日只係搽左防曬+畫眉，我就會用卸妝水。 但如果化全妝的話，咁就一定用卸妝油囉~ 最近我收到I Love Yo！既1分鐘卸潔乳酪ｰ草莓亮肌配方。 所以就同我用開既Shu Uemura 卸妝油比較一下~ 公平起見！我左右手都上左粉底、眼影、眼線筆、眼睫毛液、唇彩同胭脂膏~ 大部份既產品應該無乜問題~ 最怕就係好難卸既MJ睫毛液同超食色既POP唇彩！ 先介紹一下2位參賽者先~~ 左手將會用I Love Yo! All in 1 Yogurt Cleanser - Strawberry Flavor ($138/90g) 佢係made in Korea~ 只要係彩妝上打圈1分鐘再加水清清就完成~ 佢既質地比起真既乳酪實好多~ 不過香味好真~ 右手就用Shu Uemura Whitefficient Clear Brightening Gentle Cleaning Oil ($225/150ml) 佢係made in Japan的~ 用卸妝油記得要乾手乾面！係彩妝上先打圈30-60秒，再濕手乳化，最後再洗面就完成！ 好啦！講多無謂~比賽正式開始！ 兩邊我都按左45秒左右~ 左：眼妝產品要用少少力先按得甩~ 右：啲眼妝產品一早已經ko，但唇彩按左好耐都好似按唔甩咁~ 左：用水過一下 右：要加少少水乳化 左：MJ的眼睫毛液未卸完呢… 右：仲有少少POP唇彩卸唔到… 果然…我最擔心既MJ同POP都未能夠一次就卸得完呢~ 但係我都已經好滿意！2款都卸到95%~ I Love Yo！感覺上無咁易推得開，卸眼妝要用少少力先落到。 不過用後完全唔笠身~帶住con黎卸妝，對眼都無矇查查~ Shu Uemura好易推，好輕力已經落到妝。 不過用卸妝油通常都有一個問題…就係如果帶con黎卸妝… 無論對眼眨幾多次都會矇查查一段時間：p 唔知大家睇完會想買卸妝乳酪定卸妝油呢？ 是次I Love Yo！卸潔乳酪由I Love Yo！提供 ( 產品詳情: http://www.udegirl.com/i_love_yo_/all_in_1_yogurt_cleanser__strawberry_ ) Shu Uemura Cleaning Oil為自購 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
