呢個6月忙到不得之了 塞渠，漏水，熱攻，連最新既跳制都齊哂 我都唔知自己租左間乜L野屋返黎 早幾日，一早起身牙都未齊去整豬主子D粥 係電煲有電煲煲，我有我企係度撚緊個蕃茄之際 「啪」 冷氣停左，電煲停左，乜叉都停左 呢D時候梗係入去請示大大叫佢搞返掂佢 本身都以為冇乜野 點知跟住個日.... 阿豬媽我抱恙個頭痛到大爆炸 由老闆去接豬既時候，一踩入屋發現又跳左制 丫，冇人係度返哂工都跳制，好野，U WIN 如是者，個2日不停啪啪啪 日頭啪，夜晚啪，半夜繼續啪啪啪 啪得多我都驚會宇宙大爆炸一齊炸個稀巴爛 結果明明SICK LEAVE既一日，三十幾度 我只可以開住一個風扇，一盞燈ON99坐係廳過活。 (雪櫃都俾我炆埋制) 最後都一樣照跳無誤。 真係整你個制，拿拿聲搵左個唔知得唔得既師傅黎睇 佢唔係姓胡，所以冇掙扎，黎到搞左一輪 話個熱水爐入牆線斷左 要我地再反覆試下邊組制有問題 最離譜係同個業主講跳制 佢答我: 「租左8年未試過」 ~~~~完!!!!!! (違叔大叫MODE) 8年未試過? 我問你點搞你答我8年未試過? 你中文拎F定U呀? 都唔到POINT既講D野 間屋係你既都可以闊佬懶理 你都唔合作既，講咩都冇用啦!!!! 老娘冇你咁好氣，搵到個出事既制 學師傅話齋，唔開就算鬼數 經此一役，老闆話唔再住頂樓 出事架嘛!!!
