去神戶要食神戶牛是常識吧﹗ 去神戶兩大 outlet shopping 完，梗係要搵好野食醫肚﹗ 喺神戶搵食神戶牛嘅餐廳真係話都無咁易，但價位差距非常大，幾百蚊至幾千蚊都有。今次就去到 ステーキランド KOBE 食神戶牛鐵板燒，一來位置方便，二來價錢親民﹗ ス テーキランド KOBE 位於阪急神戸線三宮駅西口，步行大約 1 分鐘即可以到達，附近亦有多個有料停車場，自駕人士同樣方便。餐廳位於小巷入面，需搭 lift 上 6 樓，未上到去之前真係有少少擔心。但電梯門一打開，見到一大堆金牌﹑肉質保證嘅獎牌或許可證，多得實在令人驚訝﹗ 店內空間很大，座位數亦很多，裝潢擺設帶著老式扒房嘅感覺！ 晚市套餐價錢 average 都只係 ￥5000倒，套餐已包括神戶牛﹑燒野菜、沙律、漬物、味噌湯、白飯、果汁等，非常抵食。 師父會先詢問order嘅套餐是否要 Share，同埋問要求牛排幾成熟。一開始會以牛油快速炒香蒜片，再將菇類同蒟蒻快炒，並撒上黑胡椒。 整好野菜，就要開始處理重頭戲喇﹗今次分別點左一般神戶牛同特選神戶牛，每塊牛排大約 3cm 厚，牛肉色澤紅潤﹑油花分布鮮明。 先以黑胡椒稍微調味，師傅將牛排兩面略略煎香後，就會將牛肉上較肥嘅的油脂部分切除，非常快手熟練。 之後就會開始將牛肉切塊或者粒，再將牛排四面都微微煎封之後就可以上碟。過程中，師傅會利用鐵板嘅高溫、結合油脂將肉汁封住。 牛排肉質細嫩，脂肪不油不膩，咀嚼嘅時候，每一啖都會享受好豐富嘅肉汁。而搭配蒜片一齊食亦另有一番風味，蒜片不但無過於搶味，更與神戶牛嘅味道配合得好好。 煎完牛排，師傅會將之前切除嘅油脂部分聚集去炒芽菜仔。最初見到呢一個動作嘅時候，心想今次大鑊，芽菜仔一定油到爆炸﹗點知﹒﹒﹒芽菜仔不但只唔會入口有一口油嘅感覺，而且更好乾爽。芽菜仔吸盡牛肉油脂香，非常美味。 食左咁多出色美味嘅神戶牛，每人 average 都只係 ￥5900，四百幾蚊港幣倒，性價比咁高，去神戶唔係唔食牛呀﹖ 原文：http://heatravel.blogspot.com/2014/10/kobe-steakland-jp.html 請支持，用心分享，Facebook：https://www.facebook.com/heatravelling
