適逢男友生日 看到網上介紹就立刻打去帝京訂左幾款鬼馬蛋糕~ 第一日發售就即刻去攞啦~ 個個賣相都好得意!! 第一個就是「紅腸煎蛋飯」(價錢: $58) ! 再黎日式拉麵 (價錢: $58)~ 仲有最後的鮑魚撻(價錢: $38)!! 紅腸蛋飯，實際是以海棉蛋糕及栗子蓉造成的!! 面層放滿香甜卜卜米白朱古力，勁似一粒粒白米飯 而「紅腸」則是牛油曲奇和白朱古力「煎蛋」 日式拉麵就是在果香豐富的芒果吉士蛋糕上，放上吉士慕絲製成的麵條，加入伯爵茶啫喱湯底 再以白朱古力名門卷及開心果蔥花點綴 不過相對這個芒果蛋糕因有吉士慕絲的麵條所以甜左少少~ 最後就係朱古力「鮑魚撻」!!我覺得呢個最好味!!! 朱古力鮑魚輕易入口, 再配上一層伯爵茶啫喱扮醬汁 而撻則是和牛油蛋撻皮一樣口感, 啖咬落去竟然是爆炸的糖奶黃，充滿驚喜!! 因為開初擔心呢d都係好睇唔好食, 唔敢order豪華版一磅o既cake~ 點知味道比我想像中好好多!!絕對係好味得黎又玩味的最佳之選~ 同埋好buy佢送埋隻碗 XD 當然男友都好驚喜開心啦 :) 有興趣的朋友可以去訂購~ 帝京餅店 供應日期： 2014年11月1日至11月30日( 請於三日前預訂 ) 訂購電話：(852) 2622 6256 網上訂購：http://www.royalplaza.com.hk /home/onlineshop/cakeshop 地址：九龍太子道西193號帝京酒店1樓 更多有趣分享: https://www.facebook.com/petiteca http://instagram.com/ca108
