D-4 話咁快仲有4日都唔夠就要上飛機... !!!!!! : ) 今次介紹下英國的鐵路交通 英國的鐵路覆蓋大部份城鎮 是但開本旅遊書/睇blog 都有買地下鐵(Underground)/火車飛的步驟 一定詳細過我講解 由於頭個幾月我都會遊牧式咁走黎走去 將日程都寫落旅遊記事 即係旅程真係要開始喇...！ 未計上一篇講遠處的offer 我要去Diss, High Wycombe同Taunton三個地理唔近的小鎮做helper (helpX, 國際打工換宿, 稍後再介紹下) 首先要搞掂: London > Diss Diss > High Wycombe (好遺憾 呢段要轉兩次車 嚴重淆底搬唔搬得郁個喼......) High Wycombe > Reading (呢段路host應承車我去~~ 咁樣落Reading再搭直車 慳返唔駛折返倫敦啊大佬!!!) Reading > Taunton Taunton > London 呢幾程長途車 好彩3個host都會係火車/鄰近巴士站接我 即係 我確定落車時間就得 最普遍就係上trainline網上買 開頭都試過上National rail網買 不過Trainline更全面 點解要買定呢？ 英國的地下鐵就同我地Mtr差唔多 火車就係另一回事 .... 以其中一程為例 同一日唔同時間開出 會有唔同價錢 車程長短都唔同 坐到直車的班次 可能遲一班起點開出會早過上一班到終點 又唔係快車就一定貴啲喎!!! 通常閒日下午 星期6朝 深夜車會平 (只係唔會搭) 所以如果無定咩時間 就可以揀定最平的一個時間 就算同一個時間都有分唔同價錢 最平就係無得揀的預購飛 (advance single) 缺點係 只能坐那個月台那架火車 坐唔到 無得退錢架喇 !!! 如果未肯定時間 想買超級抵車飛就前後幾日格下價~~ : ) 就係咁 遠到由Taunton直到London $18.3鎊就買到 : ) 無英國debit card 上網買要收booking fee(national rail買就無booking fee)之餘再加2%card fee 但堅平過現場買勁多 買兩程single 就慳左$40鎊.... 驚嚇事就曾經係信用卡確認埋之後出現.... 多於一程的火車 除左郵寄 通常叫人去自助機 self-service machine度拎飛 (原理等如拎卡去戲院出戲飛) Confirmation page出左拎飛車站係taunton!!! 未搭去taunton我點拎飛 ??? 可能你話 有咩好驚 點會第二個站就無得拎飛 但我的確因為對英國火車無知而驚左幾秒.... -____- 驚完就識即刻click入"need help?"度問啦 英國對覆Email實在好有效率 無論係gov.uk / hostel / helpX host 堅要俾讚!!! 大約15分鐘度就收到詳細的回應 教我去返Reading/任何站拎飛都得 唔駛擔心 !!!!!!!!!! 一啲都唔認為呢次憂慮係多餘 保持危機感是應該的 問多句又無壞 : D 到時都係唔可以趕去 咁多班次咁多月台 要見機行事!!!! (試過係首爾去錯月台要跑返去對面上車 XDD) 上倫敦東北部必經的Liverpool street station 搭完火車再話俾大家聽 我揀的"quiet coach window"位正唔正啦 : )
